कान्तिपुर वेबसाईट
AdvertisementAdvertisement
१६.१२°C काठमाडौं
काठमाडौंमा वायुको गुणस्तर: १६०

म्वाईंको रहस्य

सहारा आले

प्रिय, 
म बडो कृतज्ञ हुँदै त्यो समय सम्झिरहेछु– 
त्यो समय हर्षको थियो वा थियो त्यो उदास,
म केही सोचिरहेकै छैन । 

म्वाईंको रहस्य

तिमीले तिम्रो सर्वस्व दिएका थियौ मलाई,

मलाई थाहा नभएको कहाँ हो र ?

मलाई एकएक याद छ,

र, मैले पनि दिएकी थिएँ मेरो सर्वस्व तिमीलाई ।


त्यो पनि तिमी नै थियौ,

जसले भावहीन मुद्रामा मसँग बिदा माग्यो,

मलाई पुलुक्क हेरेर जो अन्तै हेर्न थाल्यो,

यतिखेर फेरि आयो धमिलो सम्झनामा त्यो पल–

हामी छुट्टिएको त्यो पल ।


मन लाग्छ, कोसिस गर्छु–

तिमीसँग आगो भई रिसाउन,

यो संसारै सल्काइदिन

तर, सक्दिनँ ।


यतिखेर तिमीसम्म पुग्ने बाटाहरु बन्द भएका छन्,

र, म यहाँ सुदूरबाट तिम्रा हत्केलाहरुसम्म पुगून् भनेर

पठाउँदै छु केही म्वाईंहरु,

जसले मलाई सकस हुँदा

अति प्रेमपूर्वक सहारा दिएका थिए,

त्यतिखेर, जतिखेर मलाई थाहा थिएन,

चुम्बनको रहस्य, म्वाईंको शक्ति ।


ओहो, ती अनुपम म्वाईंहरु नै त रहेछन्

जसले मलाई विछोडमा सम्हालिन

र, आफ्नो ख्याल राख्न सिकाइरहेका थिए ।

प्रकाशित : जेष्ठ १, २०७८ १०:१९
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?