अग्निवर्षा कविता

जे महिला
त्यही कविता
जहाँ महिला
त्यहाँ कविताहरु
जति थिचिएका महिला
त्यतिकै कविता
जसरी चिन्तित महिला
त्यसरी नै कविताहरु
जस्तो मौन महिला
त्यस्तो कविता
जसो दुःखी महिला
उसो कविता
जस्तै गम्भीर महिला
त्यस्तै कविता
जता महिला
त्यता कविताहरु
जे जे महिला
त्यही त्यही कविता
जे जस्तो जीवन
महिलाहरुका
उस्तो कविताहरु पनि
हो, जुन महिला
शान्त, मुखर र प्रेममय
अतिशय क्रुद्ध
एवम् विचारशील महिला
अर्थात् महिला कवि
त्यो नै कविता

आठ हजार
र, तीन सय वर्षदेखि
असमान चिसोमा तप्त
महिला कविका
पुरूषार्थी
होइन, पुरूषजयी
अग्निवर्षा कविताहरु