कान्तिपुर वेबसाईट
AdvertisementAdvertisement
२१.१२°C काठमाडौं
काठमाडौंमा वायुको गुणस्तर: १६१

साँघुरो कोट

स्वप्निल स्मृति

यसो उठाउँछु अभिवादनमा हात

साँघुरो कोट

दाहिने काखीमा उध्रिनु खोज्छ

सेवारो, नमस्कार गर्दा माननीयहरुलाई

कसैले पाता कसेझौ लाग्छ

सिरानी हालेर सुत्न पनि त पुग्दैन घााटी अररिन्छन

जाडो छेक्छ न गर्मीमा बाहुलाले पसिना पुछ्न मिल्छ

तै पहिरिनै परेको छ बिहेमा, भोजमा, सार्वजनिक समारोहमा...

मलाई थाहा छ—
यसलाई बुन्ने कपडाको जन्म कुनै कारखानामा भएको हो
तर त्यसको गर्भाधान मैजस्तो यही धरतीमा भएको थियो
म जान्दछु—
यसलाई तुन्ने धागो र सियो कस्को हातमा छ !
एक–एक सम्झिल्याउँदा
बजारमा नाङ्गै निस्कुँझौ रिस उठ्छ
तर जति नै रिसमा, जोशमा, लाजसरममा पनि
दुवै हात गोजीमा लुसुक्क छिराएर
बडो शालीन मुद्रामा
बाँच्न त शान्त बाँचेको छु
थाहा छैन यसरी कतिन्जेल बाँच्न सक्ने हो !

मेरो साँघुरो कोट
मैले बाँचेको लोकतन्त्र हो ।

प्रकाशित : कार्तिक २, २०७६ १०:३६
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?