मानुषी
तिमी जति गर्न सक्छौत्यति म पनि गर्न सक्छुतिमी जत्तिकै पाखुरी बजार्न सक्छुपसिना बगाउन सक्छुतिम्रा सबै अनुभूतिहरुमेरा पनि अनुभूतितर इतिहासले आजकहाा ल्याएर पछार्यो कुन्नि मलाईतिमी त मभन्दा कोसौं अघि गइसकेछौ ।
तिमी र म एउटै होइनौं
एक–अर्काका पूरक मात्र हौं
त्यसैले
तिमी मेरा थुप्रै
अनुभूतिहरुका
भागीदार हुन सक्दैनौं
म तिम्रो मृत देहसँग
जिउँदै मर्न सक्छु
म तिमीहरुको
सामूहिक बलात्कार
खपेर बाँच्न सक्छु
तिमीलाई त
त्यसो कहिल्यै भएन,
तिमीले
रजस्वलाको कष्टप्रद
क्षण भोगेका छैनौं
तिमीलाई आफ्नो अस्मिताको
जोखिम उठाउनु पर्दैन
तिमीलाई गर्भधारणको
अतिशय
पट्यारलाग्दो अवधि थाहा छैन
तिमीलाई प्रसवकालको
सीमातीत
कष्ट भोग्नु पर्दैन
हो, म तिमीबिना
आमा बन्न सक्दिनँ
तर मैले तिमीलाई
बाबु बन्ने श्रेय
दिएकी छु ।
तिमी मेरो उत्पीडन बुझ्दैनौ
म तिम्रो उत्पीडन बुझ्छु
आऊ आज हामी
उत्पीडनहरु साटासाट गरौं
हामी मानसिकताले एकाकार हौं
हामी एक–अर्काबिना
बाँच्न सक्ने
प्राणी होइनौं
म तिम्रो हात दह्रो गरी समाउँछु
तिमी मलाई तिमी पुगेको ठाउँसम्मै पुर्याऊ
त्यहाँ, जहाँ तिमीलाई
मैले
सभ्यताको आदिकालमा
पुर्याइसकेकी थिएँ ।