झन्डा

टाउकाबिनाका ती तर
एलियन होइनन्,
न त रोबोट ।
मान्छे नै हुन् ती हाम्रा सहोदर ।

यस्तो रमिता हेर्ने मचाहिं
टाउको मात्र हुा शरीरबिनाको
मात्र टाउको तालु खुइलिएको
जसलाई तिनीहरुले मेरो शरीरबाट चुाडाई
आकाशतिर हुर्‍याइदिएका थिए
अनि हुर्‍याइएको त्यो मेरो टाउको
माथि शून्यमा स्याटेलाइट घुमिरहन्छ
तलतिरको तमासा हेर्दै ।

मुन्टोबिनाको मेरो त्यो शरीरलाई चाहिं
तिनीहरुकै एक समूहले
घिस्सारेर लगी दोबाटोको एक छेउमा
खडा गरिदिएको छ मूर्तिझैं
अनि त्यसको घिच्रोमा पनि
एक टुक्रा रड ठाडो पारेर
लटकाइदिएको छ यौटा ठूलो झन्डा !