कान्तिपुर वेबसाईट
AdvertisementAdvertisement
२३.१२°C काठमाडौं
काठमाडौंमा वायुको गुणस्तर: १३४

नभन मलाई खाते

कविता

थोत्रो बोरा बोकेर
हिँड्छु सधैं काँधमा,
दिनभरि डुल्छु
बाँस छैन साँझमा ।

नभन मलाई खाते

सडकमा मेरो बास
रछ्यानमा डुल्छन् हात,
जीउभरि धुलोमैलो
टाँसिएको छ खातैखात ।
मेरो पनि नाम छ
न्वारानमा राखिन आमैले,
मेरो पनि मन छ
भाग्य पो खोस्यो दैवले ।

जाडो हुँदा काम्दै हिँड्छु
गर्मी हुँदा गुम्सिन्छु,
सपना त म पनि देख्छु
विपनामा खुम्चिन्छु ।
पिनले कोपेर हेर त
छियाछिया भए हात,
नभन मलाई खाते
सक्छौ भने देऊ साथ ।
- गौरी न्यौपाने, लमजुङ

प्रकाशित : मंसिर २९, २०७६ ११:३३
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?