कान्तिपुर वेबसाईट
AdvertisementAdvertisement

फूलबारी

कान्तिपुर संवाददाता

मेरो घर छेउमा एउटा फूलबारी
आउँछन् जान्छन् पुतली रमाइलो पारी,
फूलबारीमा फूल छन् धेरै थरीका
लाग्छ पंख हुन् ती कुनै परीका ।

फूलबारीको छेउमा अग्ला–अग्ला रुख
चरीलाई घर बनाउन छैन कुनै दुःख,
मीठो रस खानलाई मौरी नाच्दै आउँछ
फूलबारीमा जाँदाखेरि मन रमाउँछ ।

मलाई धेरै फूलहरू हेर्ने रहर लाग्छ
फूलको रंग अनि सुबासले आँत मेरो जाग्छ,
तिमी पनि रंगीचंगी फूलपात हेर
कागजमा या मनमा तिनको चित्र कोर ।
- प्रशन्ना

प्रकाशित : मंसिर २२, २०७६ ११:५१
प्रतिक्रिया
पठाउनुहोस्

वनभोज रमाइलो

कविता
कान्तिपुर संवाददाता

साथी–साथी मिलीकन वनभोज गयौं,वनमा पुगी रमाएर यताउता हेर्‍यौं । चराहरू चुर्चुर्र गर्दै मीठा गीत गाउँथे,लोखर्केले तीखा आँखा हामीतिर लाउँथे ।

राम्रो ठाउँ घुम्यौं जंगलको बीचमा,
काम गर्‍यौं मिलीकन पकाउने ठाउँमा ।
जथाभावी फोहोर–मैला नगरेर साथी,
काम गर्दा गर्नुपर्छ ध्यान धेरै राखी ।

आगोनजिक सधैंभरि ख्याल राख्यौं साथी,
खेल खेल्दा आगो–पानी नखेलेकै जाती ।
खेल खेल्ने चौउरमा, घाम घमाइलो,
वनभोज मीठो खायौं, आहा रमाइलो ।
- पवित्रा दाहाल
लोकन्थली, भक्तपुर

प्रकाशित : मंसिर २२, २०७६ ११:५०
पूरा पढ्नुहोस्
प्रतिक्रिया
पठाउनुहोस्
×