वनभोज रमाइलो

कविता
कान्तिपुर संवाददाता

साथी–साथी मिलीकन वनभोज गयौं,वनमा पुगी रमाएर यताउता हेर्‍यौं । चराहरू चुर्चुर्र गर्दै मीठा गीत गाउँथे,लोखर्केले तीखा आँखा हामीतिर लाउँथे ।

ZenTravel

राम्रो ठाउँ घुम्यौं जंगलको बीचमा,
काम गर्‍यौं मिलीकन पकाउने ठाउँमा।
जथाभावी फोहोर–मैला नगरेर साथी,
काम गर्दा गर्नुपर्छ ध्यान धेरै राखी।

आगोनजिक सधैंभरि ख्याल राख्यौं साथी,
खेल खेल्दा आगो–पानी नखेलेकै जाती।
खेल खेल्ने चौउरमा, घाम घमाइलो,
वनभोज मीठो खायौं, आहा रमाइलो ।
- पवित्रा दाहाल
लोकन्थली, भक्तपुर

Meroghar

प्रकाशित : मंसिर २२, २०७६ ११:५०
ADVERTISEMENT
ADVERTISEMENT
प्रतिक्रिया
पठाउनुहोस्

सानी परी र सानो बाबु

राजाराम पौडेल

पोखरा फलेपाटनकी अर्पणा मिश्र सानी परी पोखरा २०१९ बनेकी छन् । पोखराको सेन्ट मेरिज स्कुलमा ५ कक्षामा अध्ययनरत उनले २२ प्रतिस्पर्धीलाई पछाडि पार्दै उपाधि जितेकी हुन् । उपाधि विजेता बनेकी उनले प्रतियोगितामा भाग लिएर आफ्नो व्यक्तित्व र नेतृत्व विकासमा सघाउ पुगेको बताइन् ।


अभिनय गर्न मन पराउने अर्पणाले स्कुलमा समेत अतिरिक्त क्रियाकलापमा भाग लिने गरेकी छन् । सानी परीतर्फ फस्ट रनर्सअप कक्षा तीनमा अध्ययरत पोखरा लेकसाइडकी ओजस्वी भुजेल, कक्षा ४ मा अध्ययनरत विरौटाकी अन्ननय खत्री र कक्षा ६ मा अध्ययनरत पोखरा १२ की साइन थापा मगर बने ।
सेकेन्ड रनर्सअपमा पोखरा १५ की कृपा गुरुङ, पोखरा १२ फूलबारीकी स्नेहा कोइराला र पोखरा १० की निलिमा रेग्मी आउन सफल भए । थर्ड रनर्सअपको पुरस्कार पोखरा ११ की इरिका रञ्जित र पोखरा विरौटाकी श्याभिजा खत्रीले जितिन् । भ्युअर च्वाइस पोखरा १५ की मिसन हमालको पोल्टामा पर्‍यो ।
जित हाम्रो फाउन्डेसनले गरेको १५ औं सास्करणको सानी परी एन्ड सानो बाबु पोखरा २०१९ अन्तर्गत सानो बाबुतर्फका उपाधि पोखरा १७ का १२ वर्षिय कृतनभक्त आचार्यले जिते । फस्ट रनर्सअप पोखरा १७ का प्रनिल पोखरेल र पोखरा ३ का आर्यन पौडेल, सेकेन्ड रनर्सअप अम्मरसिाहचोकका प्रसन्न केसी र पोखरा न्युरोडका संर्घष मरासिनी र थर्ड रनर्सअप पोखरा ११ का ब्रायन गुरुङ बन्न सफल भए । सानी परीतर्फ २३ र सानो बाबुतर्फ १३ जनाबीच फाइनल प्रतिस्पर्धा भएको थियो । उनीहरू सबैजना ७ देखि १२ वर्ष उमेरका थिए । उनीहरूलाई विभिन्न ५ वटा समूहमा विभाजन गरी तालिम प्रदान गरेर अन्तिम प्रतिस्पर्धामा उतारिएको थियो ।
आफ्ना बाबु नानीले झन्डै एक महिना अवधिमा सिकेका कुरालाई सबैका अगाडि प्रदर्शन गरेर देखाउँदा अभिभावक खुसी देखिन्थे । पोखरामा सन् २००५ बाट यो प्रतियोगीता सुरु भएको हो । अहिलेसम्म ६ सय जनाले भाग लिइसकेको फाउन्डेसनका संस्थापक राजेश जोशीले बताए ।

प्रकाशित : मंसिर २२, २०७६ ११:५०
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
×