खेलौँ देउसीभैलो
साथीसंगी रमाउँदै
डुल्दै हिँडी घरको दैलो,
औँसीको दिन साँझपख
खेलौँ देउसीभैलो ।
तिहारमा गाई पुजिन्छ
सेतो–कालो अनि कैलो,
रमाउँदै तिहारमा
खेलौँ देउसीभैलो ।
सयपत्री र मखमली
आहा १ पाखाभरि फुल्यो,
मादल घन्काई गीत गाएर
खेलौँ देउसीभैलो ।
चामल, रोटी पैसा थाप्न
बोकौँ सानो थैलो,
तिहारमा छमछम नच्दै
खेलौँ देउसीभैलो ।
प्रज्वल बूढाथोकी, कक्षा–५
बालज्योति कम्युनिटी एकेडेमी, स्याङ्जा
प्रतिक्रिया