२२.१२°C काठमाडौं
काठमाडौँ — हेर्दा धेरै सानो लाग्छ
मेरो मने पाठो
आँगनमा उफ्री खेल्ने
ऊ छ धेरै बाठो ।
घाँस–माम जे दिए नि
मीठो मानी खान्छ
खेल्दाखेल्दै घरीघरी
मेरो नाना तान्छ ।
घरी गोठमा घरी घरमा
पुग्ने उसको बानी
काखमा खेल्न आउँछ मेरो
आफ्नै मान्छे ठानी ।
स्कुल जाँदा सधैं मेरो
पछिपछि लाग्छ
हात देखाई लखेटेमा
घरतिर भाग्छ ।
ईशान ज्ञवाली, कक्षा–१
गोल्डेन फयुचर एकेडेमी, पोखरा
प्रकाशित : माघ १३, २०७५ १०:३७प्रतिक्रिया
