लामपुछ्रे चराविरुद्ध उजुरी परेपछि...

नारायण खड्का

अस्ट्रेलिया — सिड्नीको उत्तरी क्षेत्रमा एउटा म्यागपाई (लामपुछ्रे चरा)ले आतंक मच्चाएपछि त्यसलाई गोली हानेर मारिएको छ । उक्त चराको उपद्रो विरुद्ध सो क्षेत्रबाट ३ दर्जन बढी उजुरीहरु परेपछि स्थानीय काउन्सिलले मार्ने निर्णय गरेको हो । 

स्थानीय समाचारमाध्यम एबिसीका अनुसार सिड्नीको बेल्ला भिष्टा क्षेत्रमा उक्त लामपुछ्रे चराले विगत तीन वर्षदेखि आतंक मच्चाउँदै आएको थियो। उक्त चराको आक्रमणबाट केही स्थानीयवासीलाई अस्पताल भर्ना समेत गर्नुपरेको थियो। उक्त क्षेत्रको काउन्सिल हिल डिस्ट्रिकले उक्त चरालाई सुहाउँदो मौसम आउनुअघि नै मार्ने निर्णय गरेको हो।

काउन्सिलका प्रवक्ताले सो चरा स्थानीय जनताहरुको सुरक्षाका लागि खतरा भएको र डरलाग्दो व्यवहारमा उत्रिएको बताएका छन्। उनले एक विज्ञप्ति मार्फत उक्त चरा मानिसहरुले लगाएको हेल्मेट मुनिबाट समेत आक्रमण गर्न थालेको सञ्चारमाध्यमहरुले जनाएका छन्। उक्त चरा अत्यन्तै आक्रामक र असाधारण किसिमले आफ्नै क्षेत्र जमाउन थालेको समेत बताइएको छ।

उक्त चराले विशेष गरेर साइकलयात्रीहरुलाई निशाना बनाउने गरेको थियो। स्थानीय निडर र डरलाग्दो पंक्षी नदेखेको प्रतिक्रिया दिएका छन्। काउन्सिलले उक्त चराको आक्रमणलाई निस्तेज पार्न अनेकौं प्रयास गरेको भएपनि असफल बनेको थियो।

उक्त चरालाई सो क्षेत्रमा ‘विण्डसर रोड मन्स्टर’ विण्डसर सडकको राक्षस नाम दिइएको थियो। उक्त चराका बारेमा उजुरी परेपछि काउन्सिलले मार्नुको साटो त्यसलाई अन्यत्रै स्थानमा सार्नका लागि धेरै पहल गरेको भएपनि उक्त कोशिस असफल भएको एबिसीले जनाएको छ।

उक्त चरालाई मार्नका लागि न्यु साउथ वेल्सको नेसनल पार्क एण्ड वाइल्ड लाइफ सर्भिसबाट अनुमति लिइएको थियो भने न्यु साउथ वेल्स प्रहरीको सुपरिवेक्षणमा उक्त कार्य सम्पन्न गरिएको थियो।काउन्सिलले सामान्यतया मार्ने निर्णय लिनुको साटो चराको खतरा भएको स्थानमा चेतावनी दिने किसिमका सूचनाहरु राखेको जानकारी दिएको छ।

उक्त चरालाई मार्ने निर्णय गरिएकोमा स्थानीयवासीहरु नै विभाजित छन्। अस्ट्रेलियाको एनिमल जस्टिस पार्टीले चराको मृत्युले उक्त चराको परिवारलाई खतरामा पारेको बताएको छ। यसका साथै उक्त पार्टीले विशिष्ट र बहुमुल्य चराको भविश्यप्रति चिन्ता समेत व्यक्त गरेको छ।

प्रकाशित : भाद्र १७, २०७६ १७:००
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

ओलम्पिक कमिटीको निर्वाचन रोक्न सर्वोच्चको अन्तरिम आदेश

कुशल तिमल्सिना

काठमाडौँ — सर्वोच्च अदालतले भदौ २० गते तय भएको नेपाल ओलम्पिक कमिटीको कार्यसमिति निर्वाचन नगर्न अन्तरिम आदेश जारी गरेको छ । 

ओलम्पिक कमिटीका सदस्य कमलबहादुर चित्रकारले राष्ट्रिय मान्यता नपाएको ओलम्पिक कमिटीको चुनाव रोक्न माग गर्दै दायर भएको रिटमा सुनुवाई गर्दै सर्वोच्चका न्यायाधीश टंकबहादुर मोक्तानको इजलासले अन्तरिम आदेश जारी गरेको हो ।

‘रिट निवेदनको गाम्भिर्यता हेर्दा दुवै पक्ष राखेर छलफल गरी उचित निश्कर्षमा पुग्नु जरुरी भएकाले भदौ २२ गतेको पेशी तोकिएको छ,’ न्यायाधीश मोक्तानको आदेशमा उल्लेख छ । यसबीचमा ओलम्पिक कमिटीको निर्वाचन नगराउन अदालतले सबै विपक्षीका नाममा अन्तरिम आदेश जारी गरेको हो ।

नेपाल टेबलटेनिस संघका पूर्व महासचिव समेत रहेका चित्रकारले सरोकारवाला १२ जना व्यक्ति तथा संस्थालाई विपक्षी बनाउँदै आइतबार मुद्दा दायर गरेका हुन् । भदौ २० गतेका लागि तय भएको निर्वाचनको तालिका यो फैसलाले अन्यौलमा परेको छ ।

यो पनि पढ्नुहोस्ः

प्रकाशित : भाद्र १७, २०७६ १६:२७
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT