आँखा बन्द गरे पनि खुल्छ पिक्सेल फोर

कान्तिपुर संवाददाता

गुगलले दुई साताअघि ल्याएको पिक्सेल सिरिजको नयाँ स्मार्टफोन ‘पिक्सेल फोर’ मा भएको एउटा फिचरले चर्चा पाइरहेको छ  । अहिले महँगो मूल्यका सबै स्मार्टफोनले अनलक प्रयोजनका लागि फेसियल रिकग्निसन प्रयोग गरिरहेका छन्  ।

यसले प्रयोगकर्तालाई औंलाबिना पनि आफ्नो फोन खोल्ने सुविधा दिएको छ । तर, पिक्सेल फोनको फेसियल रिगग्निसन भने एक कदम अघि बढेको छ ।
सार्वजनिक समाचारहरूका अनुसार प्रयोगकर्ताले आँखा बन्द गरेर स्क्रिनतर्फ अनुहार देखाए पनि फोन अनलक हुन्छ । प्रविधिका हिसाबले यो निकै उत्कृष्ट भए पनि प्रयोगकर्ताले आँखा बन्द गरेको अवस्थामा फोन खुल्ने भए पनि निदाएको अवस्थामा अरूले फोन प्रयोग गर्ने सम्भावना हुने केहीको चिन्ता छ । यद्यपि स्मार्टफोनमा फेसियल रिगग्निसन प्रविधि आफैंमा कत्तिको उत्तम हो भन्ने बहस पनि जारी छ ।

प्रकाशित : कार्तिक १५, २०७६ ११:२७
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

गुगल म्यापमा नयाँ फिचर

कान्तिपुर संवाददाता

गुगल म्यापले आफ्नो आईओएस एपमा नयाँ फिचर सार्वजनिक गर्ने भएको छ  । केही समयमै आइफोनमा गुगल म्याप प्रयोग गर्नेले सडकमा भएको दुर्घटना रिपोर्ट गर्न सक्छन्  ।

यसका साथै, प्रयोगकर्ताले आफू अगाडि भएको स्पिड ब्रेकरको बारेमा पनि थाहा पाउन सक्नेछन् । गुगलले ब्लग पोस्टमार्फत आईओएस एपमा आउन लागेको नयाँ फिचरबारे सार्वजनिक गरेको हो । सडकमा भइरहेको निर्माणको अवस्था, बन्द भएको लेन, सडकमा बिग्रिएको सवारी वा कुनै वस्तुको विषयमा पनि जानकारी दिन सक्ने फिचर ल्याउन लागेको गुगलले जनाएको छ । यो आईओएस एपमा मात्रै नभएर सबै प्लेटफर्ममा चाँडै उपलब्ध हुनेछ ।

प्रकाशित : कार्तिक १५, २०७६ ११:२६
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT