क्रोममा नयाँ फिचर

क्रोम प्रयोग भइरहेको एक वा एकभन्दा बढी डिभाइसमा कुनै लिंक सोझै पठाउन मिल्ने यो फिचरलाई सेन्ड टु डिभाइस नाम दिइएको छ ।
प्रयोगकर्ताले क्रोम ब्राउजरमा खोलेको कुनै लिंक अर्को डिभाइसको क्रोम ब्राउजरमा पठाउनुपर्‍यो भने यो निकै सजिलो फिचर हो । डेस्कटपमा गुगल क्रोममा खोलिएको लिंक पठाउनुपर्दा प्रयोगकर्ताले राइट क्लिक गर्दा नयाँ मेनु आउँछ जसमा गुगल ब्राउजर प्रयोग भइरहेको अर्को डिभाइसको सूची देखिन्छ । प्रयोगकर्ताले कुन डिभाइसमा लिंक पठाउने हो छानेपछि उक्त डिभाइसमा लिंकको नोटिफिकेसन जान्छ । प्रयोगकर्ताको आफ्नो जिमेल एकाउन्ट प्रयोग भएको डिभाइसमा मात्रै यो फिचरले काम गर्छ ।