पुरानो फोन कसरी बेच्ने ?

कुनै बेला म्युजिक भिडियो र फिल्ममा अभिनय गर्न व्यस्त रहेकी बिना लामा अहिले रुबी भ्याली गाउँपालिकाको उपाध्यक्षको जिम्मेवारी निर्वाह गरिरहेकी छन् ।
हेलो शुक्रबार

 केही समय प्रयोग भएको फोन बिक्री गर्न निकै गाह्रो काम भएको छ  । पछिल्लो समय स्मार्टफोनको मूल्य सस्तो भइरहेको छ र उपभोक्ता पनि पुरानो फोन किन्नुभन्दा नयाँ फोन किन्नमै रूचि राख्छन्  ।

अहिले २० हजारदेखि ३० हजार रूपैयाँ मूल्यमा स्तरीय स्मार्टफोनहरु बजारमा उपलब्ध छन्, जसले फोटो खिच्नेदेखि चाहिएजति एपहरु मजाले चलाउने सुविधा दिन्छन् । यही मूल्यमा पाइने स्मार्टफोनमा भिडियो इडिट गर्दा पनि मजाले चल्छ भने सबै खालका गेमहरु खेल्न सकिन्छ । यही कारणले हुनुपर्छ पछिल्लो समय पुरानो फोन किनबेच हुने क्रम घटेको छ ।
सस्तोमै नयाँ फोन आउँछ भने पुरानो फोन कसले किन्छ ? तर केही महिना वा वर्ष चलाउँदैमा फोन कामै नलाग्ने हुने होइन, बरू त्यसका प्रयोगकर्तालाई नयाँ फोन किन्न मन लाग्ने मात्रै हो ।
पुरानो फोन नबिक्नु वा कसैले किन्न नखोज्नुको धेरै कारण छन् । जस्तो कि पुरानो फोनमा स्क्रिन वा बडी कोरिएको हुन सक्छ । यो हेर्दा आकर्षक नदेखिन सक्छ । तर केही समय प्रयोग गरेको फोन नयाँ नै देखिन्छ र स्पिड पनि राम्रो छ, नयाँ फोनभन्दा सस्तो मूल्य हुन्छ भने ग्राहक भेटिन सक्छ ।
पुरानो फोन किन्न सजिलै ग्राहक भेट्न सक्ने केही उपाय :

सुरुमा किन्दा दिइएको फोनको बक्स नफाल्ने
धेरैको बानी छ, फोन किन्दा फोनसँगै पाइने बक्स फाल्ने तर यसलाई जतन गरी राखे यसले पुरानो फोन बिक्री गर्दा धेरै फाइदा हुन्छ । पुरानो फोन बिक्री गर्दा बक्ससहित दिनु र खाली फोनमात्रै दिनुमा धेरै भिन्नता हुन्छ । बक्ससहित बिक्री गर्छु भन्दा किन्ने मानिसमा फोन नयाँ नै रहेछ वा फोन प्रयोग गर्ने व्यक्ति अनुशासित मानिस रहेको धारणा बन्छ । जसले फोनको राम्रो मूल्य प्राप्त गर्न पनि सघाउँछ ।

फोन किन्नेबित्तिकै प्रोटेक्सन ग्लास राख्ने
फोन किन्दा धेरैले स्क्रिन सुरक्षाका लागि प्रोटेक्सन ग्लास राखे पनि केही समय खल्तीमा राख्दा वा पानीमा भिज्दा उप्किन्छ तर धेरैको बानी हुन्छ, एकपटक सुरक्षाका लागि राखिएको स्क्रिन उप्किएपछि नफेर्ने । फोनको स्क्रिन बाहिर सुरक्षाका लागि अर्को स्क्रिन नराखे फोनको स्क्रिन कोरिन्छ । तर, फोनको स्क्रिन फेर्नु भनेको निकै महँगो खर्च हो । स्क्रिन गार्ड नराखी दुई महिना प्रयोग गरेको फोन पनि फोहोरी देखिन्छ, यसका स्क्रिन कोरिएका हुन सक्छन् । स्क्रिन कोरिएको फोन कसैले किन्न चाहँदैन ।

फोन कभर नछुटाउने
फोन किन्नेबित्तिकै फोन कभर राख्न छुटाउनु हुँदैन । यसले आफ्नो फोन आफूले बोकुन्जेल मात्रै होइन, पछि बिक्री गर्न मन लाग्यो भने पनि राम्रो मूल्य लिन सकिन्छ । हामी फोन प्रायःजसो खल्तीमा राख्छौं, खल्तीमा धूलो वा अन्य वस्तु हुन सक्छ जसले फोनको स्क्रिन र कभर कोरिदिन सक्छ । साथै, हामी बस्ने सहरमा धूलोको कमी छैन, यस्ता धूलोको कण स्क्रिन वा कभरमा बस्दा र त्यही रगडिँदा पनि फोनको बडी पुरानो र नराम्रो देखिँदै जान्छ । हेर्दा पुरानो र नराम्रो देखिएको फोनभन्दा पुरानै भए पनि हेर्दा नयाँ देखिने फोन किन्न मानिसले रुचाउँछन् । त्यसैले किनेदेखि नै फोनलाई कभरले सुरक्षित बनाउनुपर्छ ।

फोनको सफाइ
फोनको सफाइ अर्को महत्त्वपूर्ण पक्ष हो । फोनलाई नियमित रूपमा कुनै नरम कपडा वा कपासले पुछ्ने गर्दा यसको बाहिर टाँसिएको धूलो वा दाग हटाउन सकिन्छ । जसका कारण फोन सधैं नयाँ देखिन्छ ।

अपडेट
फोनमा प्रयोग भएको अपरेटिङ सिस्टममा नियमित रूपमा नयाँ–नयाँ अपडेट आइरहेका हुन्छन् । आफ्नो फोनको अपरेटिङ सिस्टमलाई अपडेट गर्दा यसको लुक्स नयाँ देखिन्छ । कतिपय अपडेटले फोनको स्पिडलाई पनि सुधारिरहेका हुन्छन् भने स्क्रिनको आकर्षणलाई बढाउँछन् । फोनलाई अप टु डेट राख्दा फोन नयाँ रहन्छ ।

पुरानो फोन बिक्रीबाट राम्रो आम्दानी गर्ने उपायहरू हुन् यी । फोन कहाँ र कसरी बिक्री गर्ने द्विविधामा छ भने फेसबुक उपयुक्त माध्यम हुन सक्छ । आफ्नो प्रोफाइलमा फोन बिक्रीको स्टाटस लेख्नुभन्दा सेकेन्ड ह्यान्ड फोन ‘बाई एन्ड सेल’ नाम राखिएको फेसबुक ग्रुप सर्च गरेर त्यस्ता ग्रुपमा बिक्रीको सूचना राख्दा बढी प्रभावकारी हुन्छन् ।

hellosukrabar@gmail.com

प्रकाशित : आश्विन ३, २०७६ ११:५१
प्रतिक्रिया
पठाउनुहोस्

'कबड्डी' यार

हेलो शुक्रबार

 अनामनगरमा मण्डला नाटकघरको जग हालिँदै थियो, छेवैमा बसेर रामबाबु गुरुङ र उपेन्द्र सुब्बा फिल्मको स्क्रिप्ट लेखिरहेका थिए  ।

बुद्धि तामाङ र विजय बराल भवन बनाउन दिलो ज्यान दिएर लागिपरेका थिए, मण्डलाका अध्यक्ष दयाहाङ राईलाई पनि भ्याइनभ्याई हुन्थ्यो । दयाहाङ मोटरसाइकल हाँक्न नजान्ने, कतै जानुपर्दा विजयको साथ चाहिने । बुद्धि पनि बाइक चलाउन जान्दैनथे । उनीहरूको दोस्तीको बिजारोपण मण्डलामै भएको थियो । छोटै समयमा फस्टाएको यो आत्मीयता निर्देशक/लेखक रामबाबुको नजरमा परेको थियो । फिल्मको नाम राखे, ‘कबड्डी’ । मुख्य भूमिकामा काजी अर्थात् दयाहाङ । उनका दुई यार हुन्छन्, बिके र छन्त्याल । रामबाबुले स्क्रिप्ट लेख्दा नै बिकेको भूमिकामा विजय सम्झिएका थिए, छन्त्यालमा बुद्धि । भयो
पनि त्यस्तै ।


नाटकघर ठडियो । केही वर्षपछि ‘कबड्डी’ बन्यो । गुरुकुल भत्किएपछि सुस्ताएको नेपाली रंगमञ्चलाई मण्डलाले नयाँ जीवन दियो । मौलिक स्वाद र शैलीको कथा पस्किएर ‘कबड्डी’ ले नाम र दाम कमायो । मण्डला बनेको एक दशक भयो, ‘कबड्डी’ चाहिँ ६ वर्ष । यतिबेला मण्डलामा ‘महाभोज’ नाटक मञ्चन भइरहेको छ । विजय, दयाहाङ र बुद्धिले अभिनय गरेका छन् । शुक्रबारबाटै देशभर ‘कबड्डी कबड्डी कबड्डी’ रिलिज भएको छ । यसमा उनीहरू नै मुख्य भूमिकामा छन् । दयाहाङ भन्छन्, ‘चिनजान भएदेखि व्यक्तिगत र व्यावसायिक रूपमा हामी सँगसँगै छौं । सबभन्दा ठूलो कुराचाहिँ हाम्रो सम्बन्धले एकअर्कालाई ऊर्जा दिइरहेको हुन्छ ।’


तीनमध्ये दयाहाङ सिनियर हुन् । विजय त उनलाई गुरु नै मान्छन् । विजय र बुद्धिले चिन्दा दयाहाङ ‘लुट’ बाट स्टार भइसकेका थिए । विजय र बुद्धिको अनुभव एउटै छ, ‘तर दया दाइले कहिल्यै ठूलो हुँ भन्नेजस्तो व्यवहार देखाउनु भएन । न लोकप्रिय कलाकार हुनुको कुनै घमण्ड नै छ । हिजो जति सरल हुनुहुन्थ्यो, आज पनि उस्तै । त्यसैले पनि उहाँप्रति ज्यादै सम्मानभाव छ ।’ उनीहरूको करिअरले गति पाउन दयाहाङको प्रभावकारी भूमिका रहेछ । जस्तो– मण्डलाकै सुरुवातकर्ता हुन्, दयाहाङ । जहाँबाट विजय र बुद्धिले रंगकर्मको छहारी पाए । उनले निर्देशन गरेको नाटक ‘डिग्री माइला’ मा विजय–बुद्धिले अभिनय गरेका छन् । ‘कबड्डी’ अगावै ‘साँघुरो’ मा एकसाथ अभिनय गरेका थिए । संयोग कस्तो भने यो फिल्ममा पनि उनीहरू साथी–साथी हुन्छन् । बुद्धि मुस्कुराउँछन्, ‘हामी मिलेको देखेर हुनुपर्ला, रोल पनि साथीकै पाइन्छ ।’ ‘कबड्डी’ दयाहाङका लागि ‘लुट’ पछि थप ‘माइलेज’ दिने फिल्म बन्यो भने विजय र बुद्धिलाई त ठूलो पर्दामा स्थापित गर्‍यो ।


रंगमञ्चमा खारिएका यी तीन कलाकारलाई ‘कबड्डी’ मा औधी रुचाइयो । फिल्मको आकर्षक पक्षमध्ये उनीहरूको दोस्ती पनि एक हो । काजीको एकोहोरो प्रेम सफल बनाउन बिके र छन्त्याल मरिमेटेर लागि पर्छन्, काजीलाई कहिल्यै एक्लो हुन दिँदैनन् । काजीसँग दोस्ती गाँस्न पाउँदा बिके र छन्त्याल पनि दंग किनभने गाउँमा शान बढ्छ । पर्दामा देखाइएको उनीहरूको मित्रता सामाजिक सञ्जालमा हिट छन् ।‘कबड्डी’ को सफलतापछि सिक्वेल बन्यो, ‘कबड्डी कबड्डी’ । यसमा पनि उनीहरूको सम्बन्ध उत्तिकै प्रगाढ हुन्छ, बिके र छन्त्याल काजीको वरपर हुन्छन् । यसको अन्त्यमा दयाहाङ र विजयले बिहे गराइदिएर बुद्धिलाई अन्तै पठाइदिन्छन् । त्यसैले तेस्रो सिक्वेलमा उनीहरूलाई एकसाथ देख्न पाइएला ? विजय भन्छन्, ‘हामी दूरीले टाढा भए पनि भावनात्मक रूपमा उत्तिकै नजिक हुन्छौं । पातलो भए पनि भेटचाहिँ भइरहन्छ । दर्शकले हामीलाई अझ परिपक्व रूपमा पाउनुहुन्छ ।’


‘कबड्डी’ सिरिजबाहेक ‘मिस्टर झोले’ मा यो ग्याङले एकसाथ काम गरेको छ । यसमा पनि दयाहाङ र बुद्धि साथी नै हुन्छन्, विजयचाहिँ फिरन्ते गुन्डा । उनीहरूको अर्को फिल्म दयारानी प्रदर्शनको संघारमा छ । यसबाहेक मण्डलाकै ‘र...माइलो’ नाटकमा सँगै काम गरेका छन् । व्यस्तता र लोकप्रियतालाई नियाल्दा दयाहाङ अगाडि छन् । बुद्धिलाई पनि फिल्ममा भ्याइनभ्याई छ । विजय नाटक र फिल्ममा समान रूपमा सक्रिय छन् । उनीहरूलाई एकअर्काको अभिनय कस्तो लाग्ला ?


दयाहाङलाई विजय ‘भर्सटायल एक्टर’ लाग्दोरहेछ । उनको अभिनयप्रतिको अनुशासन, ऊर्जा र इमानदारिताबाट प्रभावित छन् । बुद्धिचाहिँ एकदम मेहनती र हरेक चरित्रलाई न्याय दिन सक्ने सामर्थ्य राख्ने कलाकार लाग्दोरहेछ । विजयको नजरमा दयाहाङ जटिल चरित्रलाई सरल बनाउन सक्छन् । आफूमात्र होइन, को–एक्टरले पनि राम्रो काम गर्नुपर्छ भन्ने सोच राख्छन् र त्यस्तै वातावरण बनाइदिन्छन् । बुद्धिमा चरित्रलाई चिन्ने र सोही अनुरूप आफूलाई ढाल्न सक्ने क्षमता छ । त्यस्तै, सामान्य पात्रलाई विशेष बनाउने दयाहाङको कुशलता र सिक्न खोज्ने विजयको बानीबाट बुद्धि प्रभावित रहेछन् ।


विजय र दयाहाङलाई एउटै चिन्ता के रहेछ भने बजारले थिचेका कारण बुद्धि ‘हैट’ चरित्रमा खुम्चिएका छन्, जबकि उनी गम्भीर प्रकृतिका भूमिकालाई पनि जीवन्तता दिन सक्छन् । यस्तै हो त ? बुद्धि भनिहाल्छन्, ‘हो नि, मलाई पनि यस्तै लाग्छ । सधैं उस्तै खालको भूमिकाको अफर आउँछ । चाहेर पनि बाहिर निस्कन सकेको छैन । तर नयाँ काम गर्न सधैं भोको छु ।’

प्रकाशित : आश्विन ३, २०७६ ११:५१
पूरा पढ्नुहोस्
प्रतिक्रिया
पठाउनुहोस्