कान्तिपुर वेबसाईट
AdvertisementAdvertisement
२८.१२°C काठमाडौं
काठमाडौंमा वायुको गुणस्तर: २०३

नेपाललाई आँखा उपचारको गन्तव्य बनाउनुपर्छ : सभामुख घिमिरे

काठमाडौँ — प्रतिनिधिसभाका सभामुख देवराज घिमिरेले नेपाललाई आँखा उपचारका लागि गन्तव्यको रुपमा विकास गर्न जोड दिएका छन् ।

नेपाललाई आँखा उपचारको गन्तव्य बनाउनुपर्छ : सभामुख घिमिरे

सोमबार नेपाल नेत्रज्योति संघको स्थापना दिवसमा घिमिरेले स्थानीय, प्रादेशिक र केन्द्रीय सरकारसँग सहकार्य गरी आँखा उपचारको क्षेत्रमा पर्यटन गन्तव्य बनाउन सकिने बताए ।

नेत्रज्योति संघ ४४ वर्ष पूरा गरी ४५ वर्षमा प्रवेश गरेको छ । उक्त कार्यक्रममा सघंका महासचिव भरतबहादुर चन्दले आगामी दिनमा संघ अन्तर्गत सञ्चालनमा रहेका आँखा अस्पताल तथा उपचार केन्द्रहरुलाई हरित अस्पतालका रुपमा विकास गर्ने लक्ष्य लिएको बताए ।

महासचिव चन्दका अनुसार हाल संघले आफ्नो २०२३ देखि २०३० सम्मको रणनीतिक योजना तयार पारिरहेको छ। उनले भने–‘ई-हेल्थलाई संस्थागत गर्दै ५ वर्षभित्र आँखा सेवामा मोबाइल हेल्थ, टेली अपथाल्मोलोजी लगायत अन्य आधुनिक प्रपिवधिको विकास तथा विस्तारमा नियमन गरिनेछ।’

हाल संघका ३७ आँखा अस्पताल, १५० भन्दा बढी आँखा उपचार केन्द्रहरु तथा ४४ जिल्ला शाखाहरु रहेका छन् । संघले विद्यालय आँखा जाँच कार्यक्रममार्फत् सन् २०१८ देखि २०२ सम्ममा देशका विभिन्न विद्यालहरुमा अध्ययनरत १० लाखभन्दा बढी विद्यार्थीहरुको निःशुल्क आँखा जाच गरी हजारौँ विद्यार्थीहरुलाई निःशुल्क चश्मा वितरण गरिएको छ । त्यसैगरी ५५० जना विद्यार्थीहरुको निःशुल्क आँखाको शल्यक्रियासमेत गरिएको छ ।

प्रकाशित : चैत्र १३, २०७९ १५:००
प्रतिक्रिया
पठाउनुहोस्
जनताको राय

स्वयंसेवी संस्था स्काउटको स्वामित्वमा रहेको सार्वजनिक जग्गा कब्जा गरी वर्षौंदेखि भाडामा लगाउने कांग्रेसका सांसद दीपक खड्कालाई अब के गर्नुपर्छ ?