कान्तिपुर वेबसाईट
AdvertisementAdvertisement
२४.१२°C काठमाडौं
काठमाडौंमा वायुको गुणस्तर: १४९

चितवन मेडिकल कलेजको क्यान्सर उपचार केन्द्र सञ्चालनमा

रमेशकुमार पौडेल

चितवन — चितवन मेडिकल कलेज (सीएमसी)को भरतपुरमा  रहेको शिक्षण अस्पतालमा क्यान्सर रोगको पनि उपचार सुरू भएको छ । अस्पताल हाताभित्र अलग्गै भवनमा रहेको 'सीएमसी क्यान्सर इन्स्टिच्युट' बिहीबारदेखि औपचारिक रूपमा सञ्चालनमा आएको छ ।

चितवन मेडिकल कलेजको क्यान्सर उपचार केन्द्र सञ्चालनमा

१०० शय्याको सो अस्पतालमा क्यान्सर भए नभएको परीक्षणका साथै शल्यक्रिया, रेडियसन थेरापी, केमोथेरापी, ब्याक्रिथेरापी जस्ता उपचार सुविधा रहेको अस्पतालले जनाएको छ । उपचारका लागि तत्काल चिकित्सकको १० जनाको टिम संलग्न रहने छन् ।

अस्पतालमै 'ए' श्रेणीको उच्चस्तरीय प्रयोगशाला रहेको र प्रायजसो नमुना परीक्षण सोही प्रयोगशालामा हुने अस्पतालका निर्देशक डा.दयाराम लम्सालले बताए । क्यान्सर पत्ता लागेको ३/४ दिनमै उपचार सेवा सुरू हुने, शल्यक्रिया र थेरापीका लागि लामो समय पालो कुर्न नपर्ने लम्सालको भनाइ छ ।

चितवन भरतपुरमै ४ सय शय्याको पुरानो सरकारी क्यान्सर अस्पताल पनि छ । तर पालो कुर्नु पर्ने समस्याले देश र चितवनकै धेरै बिरामी भारतको दिल्ली र अन्य देशसमेत जाने गरेका छन् । पालो कुर्न नपर्ने भएपछि धेरै बिरामी भरतपुरमै रोकिने आशा डा.लम्सालको छ ।

डा.सुभास ठाकुरको नेतृत्वको टोली क्यान्सर रोगीको उपचारमा खटिने अस्पतालले जनाएको छ । अस्पतालले बिनाशल्यक्रिया टाउकोभित्रको ट्युमरको उपचार गर्ने, शल्यक्रिया गर्न नमिल्ने अन्तिम अवस्थाको क्यान्सर र हड्डीको क्यान्सरको उपचार प्रभावकारी बनाउन उच्च प्रविधि प्रयोग गरेर रेडियसन थेरापी उपलब्ध गराउने डा.लम्सालले बताए । अस्पतालमा दिनमा सयजनालाई रेडियसन थेरापी दिन सकिने उनको भनाइ छ ।


प्रकाशित : माघ १२, २०७९ १०:१२
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?