सिटामोलको मूल्य तत्काल नबढाइने- स्वास्थ्य - कान्तिपुर समाचार
कान्तिपुर वेबसाईट
AdvertisementAdvertisement

सिटामोलको मूल्य तत्काल नबढाइने

कान्तिपुर संवाददाता

काठमाडौँ — सिटामोलको मूल्य तत्काल नबढाइने भएको छ । स्वास्थ्य मन्त्रालयमा आइतबार साँझ सरोकारवालासहित बसेको बैठकले यस्तो निर्णय गरेको स्रोतले जनाएको छ ।

स्रोतका अनुसार स्वास्थ्यमन्त्री भवानीप्रसाद खापुङसहित बसेको बैठकले यस्तो निर्णय गरेको हो । अहिलेलाई तत्काल बजारमा सिटामोल अभाव हुन नदिन उत्पादन बढाउन निजी कम्पनीलाई अनुरोध गर्ने र नेपाल औषधि लिमिटेडलाई निर्देशन दिने निर्णय भएको पनि बताइएको छ ।

हाल डेंगी संक्रमणकाबीच सिटामोल अभाव भइरहँदा मन्त्रालयले यस्तो निर्णय गरेको हो ।

स्वास्थ्य मन्त्रालयका प्रवक्ता डा. सञ्जय कुमार ठाकुरले भने आवश्यकता भएको ठाउँको पहिचान गरेर सिटामोल वितरण गर्ने सहमति भएको बताए । हाल सिटामोलको मूल्य प्रति ट्याबलेट एक रुपैयाँ पर्छ ।

डेंगीको ‘मौकामा’ सिटामोलको मूल्य बढाइँदै

प्रकाशित : आश्विन २, २०७९ २०:२०
प्रतिक्रिया
पठाउनुहोस्

माइडियाको दसैं तिहार अफर, ३४ हजार ३०० रुपैयाँसम्म क्यासब्याक

कान्तिपुर संवाददाता

काठमाडौँ — नेपालमा माइडिया ब्राण्डका घरायसी सामग्रीको आधिकारिक वितरक चौधरी ग्रुपले दसैं, तिहार र छठलाई लक्षित गरी ग्राहक योजना ल्याएको छ । माइडिया ब्रान्डका एयर ट्रिटमेन्ट (कमर्सियल र आवासीय वातानुकूलित समाधान), रेफ्रिजेरेसन, वासिङ मेसिन, लार्ज किचेन र खाना पकाउने उपकरण, साना भान्साका उपकरण, भुँइसम्बन्धी हेरचाह र लाइटिङका उपकरण बजारमा उपलब्ध छन् । 

‘माइडियाको शुभकामना सरल र सुखी जीवनलाई’ भन्ने नारासहित जारी गरेको यस अफर अन्तर्गत माइडियाको ६ र ७ केजी वासिङ मेसिनको खरिदमा ग्राहकलाई ६ केजी प्याक सर्फ एक्सेल वा एरिअल प्रदान गरिने छ । ८ केजी भन्दा माथिका वासिङ मेसिन खरिदमा माइडियाको राइस कुकर, साइड बाइ साइड तथा मल्टी डोर रेफ्रिजेरेटरको खरिदमा माइडियाको इन्डक्सन कुकर साथै हरेक खरिदमा खाली हात नजाने क्यासब्याक प्रदान गरिने कम्पनीले जनाएको छ । कम्पनीका अनुसार क्यासब्याकको रकम ३४ हजार ३०० रुपैयाँसम्म छ । माइडिया ग्रुप अन्तर्गत घरेलु उपकरणको ब्राण्ड माइडिया हो । नेपालमा २०२१ देखि चौधरी ग्रुपले माइडिया ब्रान्डका उत्पादनहरू आफ्नो च्यानल र आउटलेटहरूमार्फत देशभर वितरण गर्दै आएको छ ।


प्रकाशित : आश्विन २, २०७९ २०:००
पूरा पढ्नुहोस्
प्रतिक्रिया
पठाउनुहोस्
×