२४ घण्टामा २२७ कोरोना संक्रमित, १ जनाको मृत्यु
काठमाडौँ — पछिल्लो २४ घण्टामा देशभर २२७ कोरोना संक्रमित थपिएका छन् । ४ हजार ४०१ नमुना परीक्षणमा २२७ जनामा संक्रमण पुष्टि भएको स्वास्थ्य तथा जनसंख्या मन्त्रालयले बिहीबार जनाएको छ ।
मन्त्रालयका अनुसार १ हजार ५१८ पीसीआर परीक्षणमा १३७ र २ हजार ८८३ एन्टिजेन परीक्षणमा ९० जनामा पोजिटिभ देखिएको हो ।
२४ घण्टामा १६८ जनामा निको भएका छन् भने सोही अवधिमा १ जनाले ज्यान गुमाएका छन् । बिहीबारसम्म सक्रिय संक्रमित २ हजार ४७३ रहेका छन् ।
२४ घण्टामा १ लाख ४३ हजार ५९५ ले खोप लगाएका छन् ।