३४ सय ५० नमुना परीक्षणमा १४२ मा कोरोना पुष्टि
काठमाडौँ — पछिल्लो २४ घण्टामा ३४ सय ५० नमुना परीक्षणमा १४२ मा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयले आइतबार सार्वजनिक गरेको तथ्यांकअनुसार १७ सय ५६ पीसीआर परीक्षणमा ११६ र १६ सय ९४ परीक्षणमा २६ जनामा संक्रमण देखिएको हो ।
आइतबारसम्म सक्रिय संक्रमितको संख्या २५ सय २८ रहेको छ ।
२४ घण्टामा २३० जना निको भएका छन् । सोही अवधिमा १ लाख ७८ हजार ९०६ जनाले खोप लगाएका छन् ।