२४ घण्टामा ८६८ कोरोना संक्रमित, थप ३ जनाको मृत्यु- स्वास्थ्य - कान्तिपुर समाचार

२४ घण्टामा ८६८ कोरोना संक्रमित, थप ३ जनाको मृत्यु

कान्तिपुर संवाददाता

काठमाडौँ — नेपालमा ८६८ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयले बुधबार आयोजना गरेको पत्रकार सम्मेलनमा ३ हजार ६१४ पीसीआर परीक्षणमा ४९६ र ३ हजार ९१ एन्टिजेन परीक्षणमा ३७२ जनामा संक्रमण पुष्टि भएको हो । २४ घण्टामा कूल ६ हजार ७०५ जनाको नमुना परीक्षण गरिएको थियो । 

६ हजार ३०० नमुना परीक्षणमा मंगलबार १ हजार ९० जनामा संक्रमण पुष्टि भएको थियो ।

२४ घण्टामा ४१४ निको र ३ जनाको मृत्यु भएको मन्त्रालयले जनाएको छ । बुधबारसम्म सक्रिय संक्रमितको संख्या ५ हजार ८८५ पुगेको छ ।

२४ घण्टामा १ लाख ३८ हजार ८४० जनाले खोप लगाएका छन् ।

प्रकाशित : श्रावण २५, २०७९ १६:४१
प्रतिक्रिया
पठाउनुहोस्

चुनाव तयारीका लागि एकीकृत समाजवादीमा जिम्मेवारी बाँडफाँट

कान्तिपुर संवाददाता

काठमाडौँ — सत्ता गठबन्धनको एउटा दल नेकपा (एकीकृत समाजवादी)ले मंसिरमा हुने आमनिर्वाचनको तयारीका लागि विभिन्न नेताहरुलाई जिम्मेवारी तोकेको छ ।  

पार्टी मुख्यालयमा बुधबार बसेको सचिवालय बैठकले निर्वाचन आयोगमा दल दर्ता गराउने जिम्मेवारी कार्यालय सचिव तथा उपमहासचिव गंगालाल तुलाधरलाई दिएको छ । निर्वाचन आयोगले मंसिर ४ मा हुने प्रतिनिधिसभा र प्रदेशसभा निर्वाचनका लागि दल दर्ता साउन ३१ गतेसम्मका लागि तोकेको छ ।

बुधबारको बैठकले घोषणपत्र मस्यौदा तयार गर्ने जिम्मेवारी उपमहासचिवत्रयलाई दिएको छ । घोषणापत्र तयार गर्न प्रकाश ज्वाला, गंगालाल तुलाधार र विजय पौडेललाई जिम्मेवारी दिएको महासचिव वेदुराम भुसालले जानकारी दिए ।

त्यसैगरी उम्मेदवारीको मापदण्ड र छनोट विधिबारेमा प्रस्ताव तयार पार्ने जिम्मेवारी महासचिव भुसाललाई दिइएको छ ।

प्रकाशित : श्रावण २५, २०७९ १६:३५
पूरा पढ्नुहोस्
प्रतिक्रिया
पठाउनुहोस्
x
×