अस्पताल फार्मेसी सेवा निर्देशिका संशोधन गर्न माग - स्वास्थ्य - कान्तिपुर समाचार
कान्तिपुर वेबसाईट
AdvertisementAdvertisement

अस्पताल फार्मेसी सेवा निर्देशिका संशोधन गर्न माग 

कान्तिपुर संवाददाता

काठमाडौँ — राष्ट्रिय फार्मेसी संघले अस्पताल फार्मेसी सेवा निर्देशिका २०७८ संशोधन गर्न माग गरेको छ । स्वास्थ्य तथा जनसंख्यामन्त्री भवानीप्रसाद खापुंगलाई बुधबार विज्ञप्ति बुझाउँदै निर्देशिका संशोधन गर्न माग गरेको हो ।

संघका केन्द्रीय संयोजक क्षितिज गर्तौलाको नेतृत्वमा विज्ञप्ति बुझाइएको थियो । गर्तौलाले स्वास्थ्य तथा जनसंख्या मन्त्रालयबाट अस्पताल अनुगमनमा जाँदा अस्पताल अनुगमन समितिले सम्बन्धित अस्तपालको अस्पताल फार्मेसी, अस्पताल फार्मेसी निर्देशिकाअनुसार भए नभएको पनि अनिवार्य रुपमा अनुगमन हुनुपर्ने संघको माग छ ।

साथै अस्पताल फार्मेसी सञ्चालनका लागि बीउ पुँजी उपलब्ध गराउन सक्ने व्यवस्था, अस्पताल फार्मेसीलाई थप व्यवस्थित गरी प्रभावकारी सेवा प्रदान गर्न अस्पतालको फार्मेसी प्रमुख संयोजक रहने गरी अस्पताल फार्मेसी सञ्चालन समितिको व्यवस्थालगायत व्यवस्था हटाइएको भन्दै निर्देशिकालाई संशोधन गर्न माग गरेको हो ।

राष्ट्रिय स्वास्थ्यकर्मी महासंघका केन्द्रीय कमिटी सदस्य निरज बर्तौलाले यो निर्देशिका छापामार शैलीमा कुनै पनि सरोकारवालाहरुको संलग्नताबिना जारी गरिएको निर्देशिका मान्य नहुने बताए ।

‘जनस्वास्थ्य, फार्मेसी पेसा, सरकारी अस्पताल फार्मेसी र फार्मेसी अध्ययन गरी बसेका र गर्दै गरेका फार्मेसीका दक्ष जनशक्तिहरुमा प्रत्यक्ष प्रभाव यस निर्देशिकाले पर्नेछ । त्यसैले संशोधन गरिनुपर्छ,’ उनले भने । फार्मेसी सेवा निर्देशिका २०७२ लाई खारेज गरी हालै जारी निर्देशिकामा सरोकारवालाहरुले विरोध जनाइरहेका छन् ।

प्रकाशित : असार २२, २०७९ १८:५३
प्रतिक्रिया
पठाउनुहोस्

माइडियाको वाइफाईयुक्त वासिङ मेसिन बजारमा 

कान्तिपुर संवाददाता

काठमाडौँ — माइडिया ब्राण्डको आधिकारिक वितरक चौधरी ग्रुपले लन्ड्री विभाजन अन्तर्गत दुई वासिङ मेसिन बजारमा ल्याएको छ । ८ र ९ केजी क्षमतामा वाई–फाई सिरिजका दुई वासिङ मेसिन सार्वजनिक गरिएको छ ।

वासिङ मेसिनमा लुनार सिरिजले स्टिम केयर सहितको स्वास्थ्य–केन्द्रित विशेषताहरु समावेश गरेको छ । लुनार सिरिजमा माइडियाको इन्भर्टर काट्रो मोटर रहेको छ, जसले ७० प्रतिशतसम्म ऊर्जा बचत गर्ने र अन्य मोटरको तुलनामा १०.४ प्रतिशत कम आवाज उत्पादन गर्ने कम्पनीको दावी छ ।

स्मार्ट लाइफको लागि वाई–फाई जडान: आईओटी टेक्नोलोजीले बुद्धिमानी रूपमा प्रयोगकर्तालाई वासिङ मेसिन नियन्त्रण गर्न सघाउँछ । एपमार्फत कुनै पनि समय मेसिनको पानी स्तर, गति, तापमानबारे अवलोकन गर्न सकिन्छ । माइडियाले मोटरमा १० वर्षको वारेन्टी सहित वासिङ मेसिनमा १ वर्षको बृहत् वारेन्टी (वाहिरी स्टिल विवरण, शिर्ष ढक्कन, फिल्टर, पाइपहरु बाहेक) प्रदान गरिरहेको छ ।



प्रकाशित : असार २२, २०७९ १८:५१
पूरा पढ्नुहोस्
प्रतिक्रिया
पठाउनुहोस्
×