कोरोना संक्रमण ७७ जिल्लामै, काठमाडौं उपत्यकामै सक्रिय संक्रमितको संख्या १० हजार- स्वास्थ्य - कान्तिपुर समाचार
कान्तिपुर वेबसाईट
AdvertisementAdvertisement

कोरोना संक्रमण ७७ जिल्लामै, काठमाडौं उपत्यकामै सक्रिय संक्रमितको संख्या १० हजार

कान्तिपुर संवाददाता

काठमाडौँ — स्वास्थ्य तथा जनसंख्या मन्त्रालयको शुक्रबारकाे तथ्यांकअनुसार २४ घण्टामा काठमाडौँमा १ हजार ९१३ जना, ललितपुरमा ३७७ र भक्तपुरमा ३१७ गरी २ हजार ६०७ कोरोनाका नयाँ संक्रमित थपिएका छन् ।

यो सँगै काठमाडौँमा ७ हजार ६२५, भक्तपुर १ हजार २५१ र ललितपुर १ हजार ९३५ गरी सक्रिय संक्रमितको संख्या १० हजार ८११ पुगेको छ ।

त्यसैगरी कोरोना संक्रमण ७७ जिल्लामै पुगेको छ । साथै ५०० भन्दा बढी सक्रिय संक्रमित हुने जिल्ला पनि थपिने क्रममा छ । बिहीबारसम्म मोरङ, काठमाडौं, ललितपुर, भक्तपुर र कास्कीमा ५०० भन्दा बढी सक्रिय संक्रमित रहेकोमा आज सुनसरी पनि थपिएको छ ।

२०० भन्दा बढी सक्रिय संक्रमित रहेको जिल्लामा झापा, चितवन, मकवानपुर, नवलपरासी पूर्व, बाँके, रुपन्देही र कैलाली रहेका छन् ।

प्रकाशित : पुस ३०, २०७८ १६:५३
प्रतिक्रिया
पठाउनुहोस्

ब्राउन सुगरसहित चार जना पक्राउ

कमल पन्थी

बर्दिया — प्रहरीले भारतबाट नेपालतर्फ आउँदै गरेका चार जनालाई १२ दशमलव ३ ग्राम ब्राउन सुगरसहित पक्राउ गरेको छ । जिल्ला प्रहरी कार्यालय बर्दियाबाट खटिएको टोलीले जिल्लाका विभिन्न नाकाबाट उनीहरूलाई पक्राउ गरेको हो । 

पक्राउ पर्नेमा बाँके खजुरा गाउँपालिका-२ का ३३ वर्षीय विवश भण्डारी र सोही ठाउँका २१ वर्षीय विशाल परियार रहेको जिल्ला प्रहरी कार्यालयका प्रवक्ता डीएसपी हेमबहादुर शाहीले जानकारी दिए । उनीहरूबाट १ ग्राम ४ सय मिलिग्राम ब्राउन सुगर बरामद गरिएको छ ।

त्यसैगरी दैलेख गुरास गाउँपालिका-३ का ३० वर्षीय तुलाराम शर्माबाट ७ ग्राम ४ सय ४० मिलिग्राम ब्राउन सुगर बरामद गरिएको छ । प्रहरीले उनीसँग रहेको मोटरसाइकलसमेत नियन्त्रणमा लिएको छ ।

३ ग्राम ४ सय ६० मिलिग्राम ब्राउन सुगरसहित गुलरिया नगरपालिका-४ का ३० वर्षीय विपिन सुनार पक्राउ परेको डिएसपी शाहीले बताए । सुनारबाट एक थान मोटरसाइकल बरामद गरिएको छ ।

सुनार गुलरिया नाका र अन्य तीन जना बढैयातालस्थित नेपाल-भारत सिमानाबाट पक्राउ परेका हुन् । उनीहरूविरुद्ध लागूऔषध अपराधमा मुद्दा दायर गरिएको प्रहरीले जनाएको छ ।

प्रकाशित : पुस ३०, २०७८ १६:३८
पूरा पढ्नुहोस्
प्रतिक्रिया
पठाउनुहोस्
x
×