२४ घण्टामा २६५ संक्रमित थपिए, २ जनाको मृत्यु- स्वास्थ्य - कान्तिपुर समाचार
कोरोना अपडेट

२४ घण्टामा २६५ संक्रमित थपिए, २ जनाको मृत्यु

कान्तिपुर संवाददाता

काठमाडौँ — पछिल्लो २४ घण्टामा नेपालमा २६५ जना कोरोना संक्रमित थपिएका छन् । ८ हजार ६१७ जनाको नमूना परीक्षण गर्दा २६५ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ ।


तीमध्ये ७११४ जनाको पीसीआर र १५०३ जनाको एन्टिजेन विधिबाट परीक्षण गरिएको थियो । एन्टिजेन विधिबाट परीक्षण गर्दा २७ जनामा संक्रमण पुष्टि भएको हो ।

पछिल्लो २४ घण्टाको अवधिमा जम्मा २ जना संक्रमितको मृत्यु भएको स्वास्थ्य मन्त्रालयले जनाएको छ । यस्तै ३५७ जना निको भई अस्पतालबाट डिस्चार्ज भएका छन् । यस्तै १ लाख ६६ हजार १० जनाले कोभिड विरुद्धको खोप लगाएको स्वास्थय मन्त्रालयले जनाएको छ ।

यससँगै स्वास्थ्य तथा जनसंख्या मन्त्रालयका अनुसार कोरोनाभाइरसको नयाँ भेरिएन्ट ओमिक्रोन सोमबार मात्रै नेपालमा पनि पुष्टि भएको छ ।


प्रकाशित : मंसिर २०, २०७८ १७:००
प्रतिक्रिया
पठाउनुहोस्

फेवातालमा आन्तरिक पर्यटकको घुइँचो

लालप्रसाद शर्मा

पोखरा — माछापुच्छ्रे फेवातालमा पौडी खेल्दो रैछपोखरा त साञ्चिकै पो पोखरा पो रैछ...नेपालगञ्जबाट जागिरको शिलशिलामा पोखरा आएका स्वर्गीय प्रेमप्रकाश मल्लले पोखरा बसाइमा यो गीत लेखे । जसको महत्व अहिले पनि उत्तिकै छ । यो गीत सुन्नेमात्र होइन, नसुनेकाहरु पनि पोखरा भन्नसाथ फेवाताल हेर्न र डुंगा चढेर शयर गर्न उत्सुक हुन्छन् ।

पछिल्लो समय नेपालीहरु अझ युवा पुस्तामा ‘देश दर्शन’ को लहरै चलेको थियो । तर कोरोना कहरका कारण ठप्पजस्तै बनेको आन्तरिक पर्यटकीय गतिविधि यतिबेला फेरि बढेको छ । अहिले देशका विभिन्न स्थानबाट पोखरा घुम्न आउनेको लर्को नै लागेको छ ।

‘पोखरा साच्चिकैको पोखरा रहेछ,’ काठमाडौंबाट साथीसँग घुम्न आएका सन्देश मुडभरीले फेवाताल किनारमा सोमबार भने, ‘सुनेको भन्दा देखेको राम्रो लाग्यो । घुम्ने बानीले देश चिन्ने मौका मिल्यो ।’

पर्यटकीय शहर पोखराको फेवातालमा यतिबेला आन्तरिक पर्यटकको लर्कै लागेको देख्न पाइन्छ । देशका विभिन्न स्थानबाट शैक्षिक भ्रमण, सहकारी, आमा समूह, क्लब, युवा समूहलगायतको टोली दिनहुँ पोखरा भित्रिइरहेका छन् ।

उनीहरुको पहिलो रोजाइ भनेकै फेवातालमा डुंगा शयर, तालबराही मन्दिरको दर्शन हुने गर्छ । पछिल्लो एकसाता यता संघीय र प्रदेशको लोकसेवा आयोगले विभिन्न पदमा खुलाएको परीक्षामा सहभागी हुन पनि पोखरामा हजारौंको संख्यामा आएकाहरु पनि फेवाताल पुग्दा थप चहलपहल बढाएको छ ।


प्रकाशित : मंसिर २०, २०७८ १६:५७
पूरा पढ्नुहोस्
प्रतिक्रिया
पठाउनुहोस्
×