नेपाल फिजियोथेरापी संघको दशौँ अन्तर्राष्ट्रिय सम्मेलन सम्पन्न- स्वास्थ्य - कान्तिपुर समाचार
कान्तिपुर वेबसाईट
AdvertisementAdvertisement

नेपाल फिजियोथेरापी संघको दशौँ अन्तर्राष्ट्रिय सम्मेलन सम्पन्न

कान्तिपुर संवाददाता

काठमाडौँ — नेपाल फिजियोथेरापी संघ (नेप्टा)को दशौँ अन्तर्राष्ट्रिय सम्मेलन भर्चुअल रुपमा सम्पन्न भएको छ । करिब ४५० जना सहभागी भएको उक्त कार्यक्रममा देश तथा विदेशका वरिष्ठ चिकित्सक र फिजियोथेरापीस्टहरुले विभिन्न उपचार विधिबारे आफ्नो प्रस्तुतिकरण प्रस्तुत गरेका थिए ।

दुई दिने उक्त कार्यक्रममा विभिन्न विधामा पुरस्कार समेत वितरण गरिएको थियो । यसपटकको 'लाइफटाइम अचिभमेन्ट अवार्ड'बाट श्रीमती गायत्री थापालाई प्रदान गरिएकको थियो । यस्तै उत्कृष्ट पेपर प्रेजेन्टेसनतर्फ सृष्टि शाक्यलाई प्रदान गरिएको थियो । त्यसैगरी विभिन्न राष्ट्रिय तथा अन्तर्राष्ट्रिय विश्वविद्यालयबाट फिजाेथेरापि विषयमा स्नातक तथा स्नातकोत्तर तहका विश्वविद्यालयमा उच्च अंक प्राप्त गर्ने हरुलाई 'युनिभर्सिटी टपर अवार्ड'ले सम्मान गरिएको थियो ।

प्रकाशित : मंसिर ५, २०७८ १६:१५
प्रतिक्रिया
पठाउनुहोस्

फेरि अध्यक्ष नबन्ने ओलीको भनाइको सम्मानका लागि उम्मेदवारी घोषणा गरेको हुँ : रावल

कान्तिपुर संवाददाता

काठमाडौँ — नेकपा (एमाले)का उपाध्यक्ष भीम रावलले एमालेका अध्यक्ष केपी शर्मा ओलीले फेरि एमाले अध्यक्षमा नदोहोरिने घोषणाको सम्मान गर्नका लागि आफू अगाडि बढेको बताएका छन् । १० औँ महाधिवेशनमा अध्यक्षको उम्मेदवारी घोषणा कार्यक्रममा रावलले अध्यक्ष ओलीले यसअघि नै सोही पदमा नदोहोरिने बताएकाले आफू योग्य ठानेर अघि बढेको बताए । 

आइतबार उम्मेदवारी घोषणा गर्न पत्रकार सम्मेलन गरेका रावलले व्यक्तिगत रूपमा चुनाव लड्ने घोषणा गरेका हुन् । उनले पत्रकार सम्मेलनमा भने, 'ओली स्वयंले केही समय पहिले पार्टीको नेतृत्व हस्तान्तरण गर्ने र पुनः अध्यक्ष पदमा उम्मेदवारी नदिने घोषणा पनि गर्नुभएको हो । उहाँको यस्तो कार्य र घोषणाको सम्मानको लागि पनि उमेर र अनुभव लगायत सबै दृष्टिबाट परिपक्व भइसकेकाले मैले केन्द्रीय अध्यक्षका लागि उम्मेदवारी दिन उपयुक्त सम्झेको छु ।'

केपी शर्मा ओलीले यसअघि पार्टी अध्यक्षमा नदोहोरिने बताउँदै आएका भए पनि पछिल्लोसमय उनले अध्यक्षभन्दा माथि पद नभएको भन्दै उम्मेदवार बन्ने संकेत गरेका थिए । ओली निर्विरोध अध्यक्ष बन्ने प्रयासमा लागेको समाचार आइरहँदा उपाध्यक्ष रावलले अध्यक्ष पदमा उम्मेदवारी घोषणा गरेपछि महाधिवेशनमा प्रतिस्पर्धा हुने भएको छ ।

आफू अध्यक्ष निर्वाचित भएपछि ओलीका अनुभव पनि पार्टी अगाडि बढाउन समेट्ने रावलले बताए थिए । अध्यक्ष ओली र अन्य नेतालाई आफ्नो उम्मेदवारीलाई सहज रूपमा लिएर सहयोग गर्न पनि रावलले आह्वान गरेका छन् ।

प्रकाशित : मंसिर ५, २०७८ १६:११
पूरा पढ्नुहोस्
प्रतिक्रिया
पठाउनुहोस्
×