सर्पदंशबाट जोगिन कस्ता सावधानी अपनाउने ?- स्वास्थ्य - कान्तिपुर समाचार
कान्तिपुर वेबसाईट
AdvertisementAdvertisement

सर्पदंशबाट जोगिन कस्ता सावधानी अपनाउने ?

कान्तिपुर संवाददाता

काठमाडौँ — वर्षायामको सुरुवात भएसँगै डेंगु, मलेरिया, स्क्रब टाइफस, सर्पदंश लगायतका बिरामीहरु देखा पर्न थालेका छन् । नेपालमा पाइने सर्पहरुमध्ये गोमन, राज गोमन, करेत, मुगा, बाघे जस्ता सर्पहरु विषालु सर्पमा गनिन्छन् । सर्पको टोकाइबाट बच्न र टोकिहाले के गर्ने भन्नेमा सचेत रहन आवश्यक छ ।

सर्पदंशबाट जोगिन के गर्ने ?

  • राति हिँड्नु परे टर्च लाइट लिएर हिँड्ने
  • जुत्ता वा गम बुट लगाउने
  • खुट्टा राम्ररी छोप्ने बाक्लो प्यान्ट लगाउने
  • घर वरपरको घाँस, झारपाट काटेर सफा राख्ने
  • काठ, ढुंगा, टुटेफुटेका सामानको थुप्रो हटाउने
  • जमिनका प्वालहरु टाल्ने
  • पराल, दाउरा आदि तान्न जाँदा होसियारी अपनाउने
  • सुत्नुअघि ओच्छ्यान, खाटमुनि र वरपर राम्ररी हेर्ने
  • झुल टाँगेर सुत्ने
  • सर्प देखे टाढै रहने

सर्पले टोकिहाले के गर्ने ?

  • डसेको ठाउँलाई चल्न नदिइ स्थिर राख्ने
  • सर्पले डसेको ठाउँमा काट्ने, चुस्ने ,बाँध्ने काम नगर्ने
  • कुनै पनि मलम, रासयनिक पदार्थ, तातो चिसो प्रयोग नगर्ने
  • बिरामीको आत्मविश्वास कामय राख्ने
  • सम्भव भएसम्म डस्ने सर्पको पहिचान गर्ने तर नमार्ने
  • बिरामीलाई जतिसक्दो चाँडो अस्पताल वा सर्पदंश केन्द्र पुर्‍याउने

प्रकाशित : असार १९, २०७८ २०:०३
प्रतिक्रिया
पठाउनुहोस्

लमजुङमा बाढीपहिरोले १३२ केभीको टावरमा क्षति

आश गुरुङ

लमजुङ — बाढीपहिरोले १३२ केभीको टावर बगाउँदा १३५ मेगावाट बढी विद्युत राष्ट्रिय प्रसारण लाइनबाट विच्छेद भएको छ ।

लमजुङबाट राष्ट्रिय प्रसारण लाइनमा जडान गरिएको १३२ केभी राष्ट्रिय प्रसारण लाइन बोकेको राइनास नगरपालिका–८ तार्कुघाट क्षेत्रको क्षतिग्रस्त टावर । तस्बिर सौजन्य: नेपाल विद्युत् प्राधिकरण ।

लमजुङबाट उत्पादित विद्युतभार बोकेको प्रसारण लाइन राइनास नगरपालिका–८, पाखेटार (फूलबारी र पाउँदीपारी) टावर मर्स्याङ्दीमा खस्दा राष्ट्रिय प्रसारण लाइनबाट विद्युत् विच्छेद हुन पुगेको हो । लमजुङमा सञ्चालित ७० मेगावाटको मध्यमर्स्याङ्दी जलविद्युत् केन्द्र, ५० मेगावाटको माथिल्लो मर्स्याङ्दी ‘ए’ जलविद्युत् आयोजना साथै ५ वटा साना जलविद्युत् आयोजनाको उत्पादन बन्द छ ।

मध्यमर्स्याङ्दी जलविद्युत् केन्द्र प्रमुख शिवकुमार साहका अनुसार मध्यमर्स्याङ्दीबाट विद्युत् भार बोकेर राष्ट्रिय प्रसारण लाइनको ९ नं. को टावर पहिरोले मर्स्याङ्दीमा खसाउँदा राष्ट्रिय प्रसारण राष्ट्रिय प्रसारण लाइनबाट विद्युत् विच्छेद छ । उनका अनुसार टावर ढलेर विद्युत् प्रसारण हुन नसक्दा ‘ट्रिपिङ’ भएपछि विद्युत् उत्पादन हुन सकेको छैन ।

उनका अनुसार विद्युत् ‘ट्रिपिङ’ को समस्या भएपछि एउटा टर्बाइन शुक्रबार राति साढे १ बजे र अर्को टर्बाइन २ बजे बन्द गरिएको हो । उनका अनुसार शनिबार बिहानमात्रै प्रसारण लाइनको टावर मर्स्याङ्दीमा बगेको सूचना आएको बताए । ‘पहिरोले ढालेको टावर अहिले क्षतिविक्षत रुपमा बाढीमा छ । यसलाई बाढीबाट झिक्न मुस्किल छ,’ उनले भने ।

उनका अनुसार नेपाल विद्युत् प्राधिकरणले प्रसारण लाइनको मर्मतका लागि प्राविधिक टोली खटाएको छ । क्षतिग्रस्त टावरको पुनर्निर्माण गरी प्रसारण लाइन सुरु गर्न प्राधिकरणको पोखरा ग्रिड शाखा र केन्द्रीय कार्यालयका प्राविधिक इन्जिनियर खटिएको उनले बताए ।

माथिल्लो मर्स्याङ्दी ‘ए’ जलविद्युत् आयोजना बाढीपहिरोका कारण यसअघिदेखि बन्द छ । चिनियाँ लगानीमा निर्मित ५० मेगावाटको उक्त आयोजना बाढीपहिरोका कारण असार १ गतेदेखि नै बन्द छ । मर्स्याङ्दीमा आएको बाढीले ३० वटा पोल ढलेपछि आयोजनाको उत्पादन बन्द भएको आयोजनाले जनाएको छ ।

मध्यमर्स्याङ्दीको स्वीचयार्डमार्फत् केन्द्रीय प्रसारण लाइनमा जोडिएको ५ मेगावाटको सिउरी साना जलविद्युत् आयोजना, ४ दशमलक ४ मेगावाटको राँधी साना जलविद्युत् आयोजना, ४ मेगावाटको खुदी जलविद्युत् आयोजना, २ मेगावाटको छन्दीखोला जलविद्युत् आयोजना र १ सय ८३ किलोवाटको स्याँगे लघु जलविद्युत् आयोजनाको उत्पादन बन्द छ ।

लमजुङ र तनहुँका ३१ हजार घरमा अन्धकार

लगातारको वर्षा र यसपछिको बाढीपहिरोले विद्युतीय पोल बगाउँदा जिल्ला विद्युत् आपूर्ति बन्द भएको छ ।

विद्युतीय संरचनामा क्षति पुग्दा लमजुङको साविक ३४ गाविस र लमजुङसँग सीमा जोडिएको तनहुँको साविक ३ गाविसमा विद्युत् सेवा अवरुद्ध भएको हो । शुक्रबार साँझदेखिको निरन्तर वर्षा र त्यसपछिको बाढीपहिरोले लमजुङ र तनहुँका गरी ३१ हजार घरधुरीमा विद्युत् अवरुद्ध भएको छ ।

वर्षासँगै आएको बाढीपहिरोले विद्युतको पोल बगाउनुका साथै प्रसारण लाइनसमेत छिनाएको नेपाल विद्युत् प्राधिकरण लमजुङ वितरण केन्द्रका प्रमुख यमकुमारी गुरुङले बताइन् । उनका अनुसार डुम्रेबाट गोरखा हुँदै लमजुङ ल्याइएको ३३ केभी लाइनको ४ वटा पोल ढल्दा शुक्रबार रातिदेखि विद्युत् आपूर्ति बन्द छ ।

प्रकाशित : असार १९, २०७८ १९:५१
पूरा पढ्नुहोस्
प्रतिक्रिया
पठाउनुहोस्
×