बालबालिकामा देखा पर्ने मल्टिसिस्टम इन्फ्लेमेटरी सिन्ड्रोम के हो ?- स्वास्थ्य - कान्तिपुर समाचार
कान्तिपुर वेबसाईट
AdvertisementAdvertisement

बालबालिकामा देखा पर्ने मल्टिसिस्टम इन्फ्लेमेटरी सिन्ड्रोम के हो ?

कान्तिपुर संवाददाता

काठमाडौँ — मल्टिसिस्टम इन्फ्लेमेटरी सिन्ड्रोम (एमआईएस–सी) कोरोना संक्रमित बालबालिकाको मुटु, फोक्सो, मिर्गौला, छाला, आँखाजस्ता अंग सुनिने समस्या हो । यो सामान्तया कोरोना संक्रमितको भएको २ देखि ४ हप्तापछि देखा पर्छ।

यसका लक्षणहरु के के हुन सक्छन् ?

  • आँखा रातो हुनु
  • सास फेर्न गाह्रो हुनु
  • घाँटी दुख्नु
  • पेट दुख्नु
  • ज्वरो आउनु
  • पखाला लाग्नु
  • छाला, ओठ वा नङ निलो हुनु
  • शरीरमा डाबर आउनु
  • थकान महसुस हुनु

कोरोना संक्रमित वा संक्रमितसँग सम्पर्कमा आएका बालबालिकाहरुलाई तीन दिनसम्म ज्वरो आएमा र यी मध्ये कुनै दुई वटा लक्षणहरु देखा परेमा तुरुन्त अस्पताल लैजानु पर्छ ।


यो समस्या के कारणले देखिन्छ भनेर यकिन भइसकेको छैन । तर यो कोरोना भाइरस संक्रमित वा संक्रमितसँग सम्पर्कमा आएका बालबालिकामा देखिने गरेको छ । त्यसैले यस्तो समस्या आउनै नदिन जनस्वास्थ्य सुरक्षाका मापदण्ड पालना गर्ने र गराउने गर्नुपर्छ ।

प्रकाशित : जेष्ठ २७, २०७८ १३:२९
प्रतिक्रिया
पठाउनुहोस्

विपक्षीको बहुमत पुग्ने देखिन्न : मुख्यमन्त्री गुरुङ

दीपक परियार

पोखरा — गण्डकी प्रदेशसभामा विश्वासको मत पाउन प्रस्ताव पेस गरेका मुख्यमन्त्री पृथ्वीसुब्बा गुरुङले विपक्षीको बहुमत पुग्ने अवस्था नरहेको बताएका छन् । 

बिहीबार जारी संसद् बैठकमा उनले विपक्षीको बहुमत नपु्ग्ने एक महिनाअघि नै पुष्टि भएको बताए । उनले कसैको बहुमत नपुग्दा संविधानबमोजिम अघि बढ्ने जनाए ।

यसअघि विपक्षी गठबन्धनले ल्याएको अविश्वास प्रस्तावमाथि मतदान गर्ने बेला वैशाख १५ मा राष्ट्रिय जनमोर्चाका सांसद खिमविक्रम शाही बेपत्ता भएको सूचनापछि प्रदेशसभा बैठक स्थगित भएको थियो । त्यसपछि वैशाख २७ मा अविश्वास प्रस्तावमाथि मतदानको कार्यसूची तय गरिएकोमा त्यसको अघिल्लो दिन नै मुख्यमन्त्री गुरुङले राजीनामा दिएका थिए । प्रदेश प्रमुख सीताकुमारी पौडेलले तीन दिनभित्र दुई वा त्यसभन्दा बढी दललाई सरकार गठनका लागि आह्वान गरेकी थिइन् ।

मुख्यमन्त्रीविरुद्ध गठबन्धन बनाएका विपक्षीले बहुमत दाबी गर्दै प्रदेशप्रमुखसमक्ष गए पनि बहुमत नपुगेको भन्दै प्रदेश प्रमुखले गुरुङलाई नै ठूलो दलको नेताका हैसियतले मुख्यमन्त्री नियुक्त गरेकी थिइन ।

सरकार बचाउने र बनाउने दुवै पक्षलाई ३१ सांसदको आवश्यकता पर्छ । प्रदेशसभामा एमालेका २७ सांसद छन् । स्वतन्त्र सांसद राजीव गुरुङ (दीपक मनाङे) मन्त्री बनाइएपछि मुख्यमन्त्रीको पक्षमा थिए । तर उनी प्रदेशसभा भंग गर्न नहुने भन्दै विपक्षी गठबन्धनलाई सघाउने आशयसाथ आजै बिहानदेखि सम्पर्कविहीन भएका छन् । उनी संसद् बैठकमा उपस्थित भएका छैनन् । राष्ट्रिय जनमोर्चाका सांसद कृष्ण थापाले पनि पार्टीमा विद्रोह गरी मुख्यमन्त्रीमा गुरुङलाई सघाउने भन्दै आएका छन्।

बैठकमा मुख्यमन्त्री गुरुङद्वारा विश्वासको मत माग्दै पेस गरिएको प्रस्तावमाथि छलफल चलिरहेको छ ।

प्रकाशित : जेष्ठ २७, २०७८ १३:२२
पूरा पढ्नुहोस्
प्रतिक्रिया
पठाउनुहोस्
×