चनाका फाइदै–फाइदा

चना मुख्यतः किशोर युवा र शारीरिक मिहिनेत गर्नेहरूका लागि पौष्टिक खाजा हो । चनालाई भिजाएर वा अंकुरित गरी नियमित रूपमा बिहान सेवन गर्नाले शरीर स्फूर्तिवान् र शक्तिशाली हुन्छ । अंकुरित चना धेरै लाभप्रद मानिन्छ । अंकुरित चना धातुलाई पुष्ट, मांसपेशीलाई सुदृढ र शरीरलाई बलियो बनाउने प्राचीन मान्यता छ । यसको सेवन छालाको रोगमा समेत लाभदायक मानिन्छ ।

भिटामिन ‘सी’ को मात्रा बढी भएको चनाले तौल बढाउँछ । रगत वृद्घि गर्नुको साथै त्यसलाई सफासमेत गर्छ । यसबाहेक अंकुरित चना सेवनले फोक्सो बलियो बनाउने मान्यतासमेत छ । यो रगतमा कोलेस्ट्रेलको मात्रा कम गरेर मुटुको रोग हटाउनसमेत सहायक मानिन्छ । कब्जियतको समस्या भएकाहरूका लागि चना राम्रो मानिन्छ । अंकुरित चना नियमित सेवनले यो निको हुन्छ ।

बच्चालाई महँगो बदामको सट्टा कालो चना ख्वाउनाले उनीहरू स्वस्थ रहन्छन् । एउटा अन्डामा हुने एक ग्राम प्रोटिन र ३० क्लालोरी शक्तिभन्दा सोही मूल्यको कालो चनामा ४१ ग्राम प्रोटिन र ८ सय ६४ क्यालोरी प्राप्त हुन्छ ।