भियाग्राले दृष्टिदोष !

कान्तिपुर संवाददाता

काठमाडौँ — इरेक्टाइल डिस्फङ्सन (पुरुषको लिङ्ग उत्तेजनामा समस्या) लाई सुधार गर्न अर्थात् यौनआनन्द बढाउन भियाग्रा उपयोग गरिहेकाहरु दृष्टिदोषको सिकार हुन सक्ने एक अध्ययनले देखाएको छ । 

ZenTravel

यो अनुसन्धान ‘फ्रन्टियर इन न्युरोलोजी’ मा प्रकाशित छ । अध्ययनअनुसार, भियाग्राको उपयोग गर्नेहरूले सुरुमा हलुका मात्रा नै लिनुपर्छ । यसपछि आवश्यकताअनुसार, यसलाई विस्तारै विस्तारै बढाउन सकिन्छ । भियाग्राको उच्च मात्रा प्रयोग गर्नाले मानिसका आँखा खराब हुन सक्छन् ।

Meroghar

भियाग्राले गर्दा आँखा खराब हुने यो समस्यापछि रंगलाई सही पहिचान गर्न नसक्ने (कलर भिजन) समस्यासम्म हुन्छ । केही मामिलामा अन्धोपनको समेत सिकार हुन सक्छन् । अध्ययनअनुसार विशेषज्ञको सल्लाह नलिई सेक्स, एन्जाइटी र इरेक्टाइल डिस्फङ्सनको उपचारका लागि भियाग्रा उपयोग गर्नेहरूलाई यस्तो समस्या देखिन सक्छ ।

भियाग्राले रगतको नलीलाई फैलाउने र मांसपेसीलाई राम्रो बनाउने काम गर्छ । यो औषधिको असर शरीरमा ३ देखि ६ घण्टासम्म रहन्छ ।

अध्ययनमा पाइएअनुसार, भियाग्राको दुष्प्रभावको सिकार भएकाले धमिलो देख्नुको साथै उनीहरू रातो र हरियो रंग राम्ररी छुट्याउन सकिरहेको थिएनन् । यी सबै व्यक्ति भियाग्राको एक सय मिलिग्रामभन्दा बढी मात्राको उपयोग गरिरहेका थिए । यसले आँखामा नराम्रो असर पार्नुका साथै घण्टौंसम्म टाउको दुखाउने पनि गर्छ ।

सन् १९९८ मा पहिलोपटक भियाग्रा बजारमा उपलब्ध भएको थियो । यो इतिहासमा सबैभन्दा बढी बिक्री हुने औषधिमध्ये एक हो । उसो त यो औषधि उच्च रक्तचापका बिरामीका लागि बनाइएको थियो तर पछि यसको उपयोग यौनआनन्द बढाउनका लागि हुन थाल्यो ।

प्रकाशित : फाल्गुन ३, २०७६ ०८:२४
प्रतिक्रिया
पठाउनुहोस्
ADVERTISEMENT

‘आपराधिक व्यक्ति किन उम्मेदवार ?’

(एजेन्सी)

नयाँदिल्ली — भारतको सर्वोच्च अदालतले आपराधिक पृष्ठभूमिका व्यक्तिलाई किन उम्मेदवार बनाएको भनेर राजनीतिक दललाई प्रश्न गर्दै यसको उचित जबाफ दिन भनेको छ । ‘देशमा भएका विभिन्न निर्वाचनमा के कति व्यक्तिको आपराधिक रेकर्ड छ, त्यो सबै उपलब्ध गराउ,’ बिहीबार जारी एक आदेशमा भनिएको छ– ‘उम्मेदवारका आपराधिक रेकर्ड भए त्यसलाई तत्काल सार्वजनिक गर ।’

कोही उम्मेदवारका त्यस्ता रेकर्ड भए चुनावमा प्रतिस्पर्धा गर्न किन छानियो भन्नेबारे स्पष्टीकरण दिन पनि अदालतको निर्देशन छ । ४८ घण्टाभित्र आपराधिक पृष्ठभूमिका उम्मेदवारबारे पार्टीका वेबसाइट र सामाजिक सञ्जालमा विवरण राख्न भनिएको छ । भारतीय सञ्चारमाध्यमका अनुसार उम्मेदवारमाथिका अभियोगबारे निर्वाचन आयोगलाई जानकारी नदिए अदालतविरुद्धको अवहेलना मुद्दा सामना गर्न चेतावनी पनि दिइएको छ ।

आपराधिक पृष्ठभूमिका व्यक्ति उम्मेदवार बन्ने परिपाटीमा व्यापक वृद्धि भएको भन्दै सर्वोच्च अदालतले यस्तो आदेश दिएको हो । आदेशमा राजनीतिक दलले किन ‘स्वच्छ छवि भएका’ उम्मेदवारलाई छान्दैन भनेर प्रश्न पनि गरिएको छ । दाग लागेका व्यक्तिलाई उसको जित्न सक्ने क्षमताका कारण निर्वाचन प्रतिस्पर्धामा उतारेको भनेर स्पष्टीकरण दिइए मान्ने नहुने चेतावनी पनि उच्च न्यायिक निकायले दिएको छ ।

पर्यवेक्षणसम्बन्धी एक संस्था ‘द एसोसिएसन फर डेमोक्र्याटिक रिफर्म्स (एडीआर) का अनुसार भारतमा सन् २०१९ का चुनावमा निर्वाचितमध्ये ४३ प्रतिशत आपराधिक पृष्ठभूमिका छन् । सन् २०१४ मा उक्त संख्या ३४ प्रतिशत थियो ।

त्यसअघि सन् २००४ मा २४ र सन् २००९ मा ३० प्रतिशत निर्वाचित उम्मेवार आपराधिक पृष्ठिभूमिका थिए । एडीआरलाई उल्लेख गर्दै बीबीसीले जनाएअनुसार निर्वाचित व्यक्तिमाथि लागेका केही मुद्दा सामान्य प्रकृति वा राजनीतिक रूपमा प्रेरित भए पनि अधिकांशमाथि चोरी, सरकारी अधिकारीमाथि आक्रमण, हत्या र बलात्कारजस्ता मुद्दा छन् ।

प्रकाशित : फाल्गुन ३, २०७६ ०८:२३
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×