माघ २५ गतेबाट १३ जिल्लामा हात्तीपाइले विरुद्वको औषधि खुवाइने

कान्तिपुर संवाददाता

काठमाडौँ — सरकारले यही माघ २५ बाट १३ जिल्लामा हात्तीपाइले रोग विरुद्धको औषधि खुवाउने भएको छ । सरकारले झापा, धनकुटा, मोरङ, बारा, लमजुङ, पर्वत, बागलुङ, कपिलवस्तु, दाङ, बाँके, बर्दिया, कैलाली र कञ्चनपुर गरी १३ जिल्लामा हात्तीपाइले रोग विरुद्धको औषधि खुवाउन लागेको हो । 

ZenTravel

१३ जिल्लाका १३८ पालिकामा ७४ लाख ६१ हजार जनालाई औषधि खुवाइने ईपिडिमियोलोजी तथा रोग नियन्त्रण महाशाखाले जानकारी दिएको छ।

Meroghar

हात्तीपाईले रोग मानिसलाई शारिरीक रूपमा अशक्त, असमर्थ तथा अपांग बनाउने सरुवा रोग हो। एक प्रकारको मसिनो धागो आकारको जुका जस्तै परजीविले हात्तीपाईले रोग गराउँछ। रोग संक्रमित पोथी लामखुट्टेको टोकाईबाट सर्ने गर्छ।

सरकारले रोग प्रभावित जिल्लाहरूमा प्रत्येक वर्ष कार्यक्रम औषधि खुवाउने कार्यक्रम सञ्चालन गर्दै आएको छ। औषधि सेवन कार्यक्रममा सहभागी भई वर्षको एक पटक लगातार ६ वर्षसम्म हात्तीपाईले रोग विरूद्धको औषधि सेवन गर्नुपर्छ।

हात्तीपाईले रोग विरुद्धको औषधि दुई वर्ष उमेर नपुगेका बालबालिकाहरू, गर्भवती र सात दिनसम्मका सुत्केरी तथा सिकिस्त विरामीहरु (उदाहरणको लागि कुनै कडा रोग लागी औषधि सेवन गरिरहेका जस्तै( क्यान्सर, मुटुरोगी, कलेजो रोगी, मृगौला रोगी, फोक्सोको दिर्घ रोगी, छारे रोगीहरू, २४ घण्टा भित्र ज्वरो आएको तथा कडा कुपोषण भएका पाँच बर्ष मुनिका बालबालिकाहरु)ले यो औषधि सेवन गर्न नहुने चिकित्सकहरु बताउँछन्।

औषधि खाली पेटमा खान नहुने चिकित्सकहरुले बताउँछन्। शरीरमा हात्तीपाईले रोगको परजीवि भएका व्यक्तिहरुमा हात्तीपाईले रोग विरुद्धको औषधि सेवन गरेपछि सामान्य खालको टाउको दुखाई, वाकवाकी लाग्ने तथा पेट दुख्ने हुनसक्छ। ती लक्षणहरु केहि घण्टाभित्रमा आफैं हराएर जाने चिकित्शकहरु बताउँछन।

प्रकाशित : माघ २०, २०७६ १५:५४
ADVERTISEMENT
प्रतिक्रिया
पठाउनुहोस्
ADVERTISEMENT

नेकपाको आकाश सफा र धरती उर्वर छ : भट्टराई

रासस

दमौली — नेकपा स्थायी समिति सदस्य एव‌ं संस्कृति, पर्यटन तथा नागरिक उड्डयन मन्त्री योगेश भट्टराईले नेकपाको आकाश सफा र धरती उर्वर रहेको बताएका छन् । नेकपा तनहुँले सोमबार दमौलीमा आयोजना गरेको कार्यकर्ता भेलामा भट्टराईले पार्टी एकीकरणलाई भावनात्मक बनाउन आइतबार सम्पन्न केन्द्रीय समिति बैठक सफल भएको बताए ।

बैठकले पार्टीलाई अझ सुदृढ र एकताबद्ध बनाउन सफल भएको उनको दाबी छ ।‘बैठक अगाडि नेकपाको आकाशमा केही बादलहरु थिए, हावाहुरी पनि चलेको थियो,’ मन्त्री भट्टराईले भने, ‘बैठकले ती बादलहरु सफा गरिदिएको छ, नेकपाभित्र अब हावाहुरी चल्नेवाला छैन, नेकपाको आकाश सफा छ, धरती उर्वर छ ।’

केपी शर्मा ओली नेतृत्वको सरकार सही बाटोमा रहेको उनको भनाइ छ । सरकार गलत बाटोमा नरहेको उनको जिकिर छ । मन्त्री भट्टराईले भने, ‘सरकारको बाटो सही हुँदाहुँदै पनि कहिलेकाहीँ अप्ठ्यारा बाटो आउँछ, अवरोध आइपर्छ, त्यस्ता अवरोध हटाउँदै अगाडि बढ्नुपर्छ ।’

भट्टराईले प्रधानमन्त्री एवं पार्टी अध्यक्ष ओलीलाई कुशल र अनुभवी पाइलटको सङ्ज्ञा दिँदै उनी नेतृत्वको सरकारको जहाजले सही अवतरण गर्ने दाबी गरे ।
केन्द्रीय समिति बैठकले तीनमहिने अभियान घोषणा गरेको भन्दै उनले उक्त अभियानमा सबै नेताहरु गाउँ फर्कने र कार्यकर्ताको समस्या सुन्ने बताए ।

प्रकाशित : माघ २०, २०७६ १५:३४
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
×