२८.१२°C काठमाडौं
बहिरोपन र सन्तुलित आहारा
काठमाडौँ — सन्तुलित आहारा र बहिरोपनमा गहिरो सम्बन्ध हुन्छ, अझ खास गरी महिलाका सवालमा । जर्नल अफ न्युट्रिसनमा प्रकाशित एउटा अध्ययनअनुसार, सन्तुलित आहार लिनाले महिलाहरूमा सुस्त श्रवणको जोखिम कम हुन सक्छ । अनुसन्धानकर्ताहरूले तीन फरकफरक आहारा र बहिरोपनबीचको सम्बन्धको अध्ययन गरेका हुन् ।
२२ वर्षसम्म तीन फरक–फरक आहारा ‘द अल्टरनेटिभ मेडिटेरियन डाइट’, ‘डाइटर एप्रोचेज टु स्टप हाइपर टेन्सन’ र ‘अल्टरनेटिभ हेल्दी इटिङ इन्डेक्स २०१०’ लिने ७० हजार ९ सय ६६ महिलामा यो अध्ययन गरिएको हो ।
पहिलो आहारामा जैतुनको तेल, अनाज, फलफूल, सब्जी, माछा र हल्का मदिरा सामेल गरिएको थियो । दोस्रो आहारामा भने बढी मात्रामा फल र सागसब्जी तथा कम बोसो भएको दुग्ध उत्पादन र कम मात्रामा सोडियम राखियो । तेस्रो प्रकारको आहारामा पहिला दुई प्रकारको आहारको सामग्री सामेल गरिएको थियो ।
अध्ययनमा के पाइएको छ भने, सन्तुलित आहारा लिनाले महिलामा बहिरोपन हुने खतरा कम हुन्छ । राम्रो आहार लिँदा स्वास्थ्यमा राम्रो प्रभाव पर्छ र यसबाट बहिरोपनको जोखिम कम गर्न मद्दत मिल्छ ।
प्रकाशित : जेष्ठ १२, २०७५ ०८:१८
