निरन्तर हवाईयात्राले रोगको जोखिम
काठमाडौँ — सधैँ हवाईयात्रामा हुँदा दीर्घ रोग सक्न सक्छ । एउटा अध्ययनमा दाबी गरिए अनुसार, निरन्तर हवाईयात्रा जेट ल्यागको कारक बन्न सक्छ र हुँदाहुँदा यसबाट क्यान्सरको खतरा पनि बढ्न सक्छ ।
यो अध्ययन ‘पीएलओएस बायोलजी’ मा प्रकाशित छ । अध्ययन अनुसार, निरन्तर हवाईयात्राले शरीरभित्रको आन्तरिक घडी (बडी क्लक) लाई प्रभावित पार्छ र फलस्वरूप टयुमर हुने आशंका बढ्छ ।
शरीरको बडी क्लकका कारण शरीरमा क्यान्सर रोक्ने कोषिकाको तीव्र गतिले निर्माण हुने प्रक्रियामा असर पर्छ । शरीरभित्रको घडीले बाहिरी प्रकाश र अँध्यारोसँग तालमेल मिलाउँदै हिँड्छ । यो घडीले व्यवहार र हाम्रा अनेक गतिविधिलाई प्रेरित गर्छ ।
