एक हार नै पर्याप्त
काठमाडौँ — इंग्ल्यान्डलाई २–० ले पराजित गरी बेल्जियमले विश्वकपमा तेस्रो स्थान हात पारेको छ । रुसमा जारी प्रतियोगितामा बेल्जियमको यो छैटौं जित थियो ।
६ खेलमा पनि जित हात पारेर विश्वकप उपाधि उचाल्न नसक्ने बेल्जियम केबल चौथो टोली बन्यो । सन् १९७४ मा पोल्यान्डले विश्वकपमा सबैभन्दा पहिला यो तथ्य छोएको थियो ।
त्यसपछि १९९० मा इटाली र २०१० मा नेदरल्यान्ड्सले पनि ६ खेल जित्दा पनि विश्वकपको ट्रफी उठाउन सकेका थिएनन् । इटाली १९९० मा सेमिफाइनलमा अर्जेन्टिनासँग र नेदरल्यान्ड्स २०१० मा स्पेनसँग फाइनलमा मात्र पराजित भएका थिए ।
प्रकाशित : असार ३१, २०७५ १३:१९प्रतिक्रिया