रोचक तथ्य: टाउकाको कमाल
काठमाडौँ — विश्वकपको अतिरिक्त समयमा गएको पछिल्ला ६ खेलमा अर्जेन्टिना र जर्मनीबीचको खेलको निर्णयमात्र पेनाल्टी सुटआउटमा भएको छैन । २०१४ को फाइनल खेलमा मारियो गोट्जेको गोलमा जर्मनीले अर्जेन्टिनालाई १–० ले पराजित गरी चौथोपटक विश्वकप जितेको थियो ।
क्रोएसियाका ८ फरक खेलाडीले यस विश्वकपमा गोल गरिसकेका छन् । सबैभन्दा बढी गोल गर्ने राष्ट्र बेल्जियम हो । उसका ९ खेलाडीले गोल गरिसकेका छन् । क्रोएसियाले रुससँग शनिबार दुवै गोल हेडबाट गरेको थियो ।
यसअघि विश्वकपमा २९ गोल गर्दा क्रोएसियाका खेलाडीले १ गोलमात्र हेडबाट गरेका थिए । खेलमा कुल ३ हेड गोल भएका थिए । २००२ को विश्वकपमा जर्मनीले साउदी अरेबियालाई ८–० ले पराजित गर्दा सर्वाधिक ५ गोल हेडबाट भएका थिए । त्यसयताकै यो सर्वाधिक हेड गोल हो ।
प्रकाशित : असार २५, २०७५ ०७:४८प्रतिक्रिया