बेलको पेनाल्टीमा अमेरिकासँग वेल्सको बराबरी- विश्वकप फुटबल २०२२ - कान्तिपुर समाचार
कान्तिपुर वेबसाईट
AdvertisementAdvertisement
विश्वकप २०२२

बेलको पेनाल्टीमा अमेरिकासँग वेल्सको बराबरी

एजेन्सी

दोहा — कप्तान गेराथ बेलले खेलको अन्त्यतिर पेनाल्टीमा गोल गरेपछि वेल्सले विश्वकप २०२२ मा अमेरिकालाई १–१ को बराबरीमा रोकेको छ । वेल्स ६४ वर्षपछि पहिलो पल्ट विश्वकप खेलिरहेको छ । अमेरिकाले टिम वेहको गोलले पहिलो हाफको ३६ औं मिनेटमा अग्रता लिएको थियो र यसका लागि उनले क्रिस्टियन पुलिसिचको पास उपयोग गरे ।

खेल सकिन नौ मिनेट अगाडि बेलमाथि अमेरिकाको पेनाल्टी एरियामा वाल्कर जिमरमनले फल गरे र त्यसमै प्राप्त अवसरमा उनले गोल गरे ।

यो नतिजापछि समूह ‘बी’ इंग्ल्यान्ड तीन अंकसहित शीर्ष स्थानमा रह्यो भने त्यस पछाडि वेल्स तथा अमेरिका एक/एक अंकमा रहे । इरान भने विना कुनै अंक पुछारमा रह्यो । दिनको पहिलो खेलमा इंग्ल्यान्डले इरानलाई सजिलै हराएको थियो ।

प्रकाशित : मंसिर ६, २०७९ ०६:२२
प्रतिक्रिया
पठाउनुहोस्

इरानमाथि इंग्ल्यान्डको सहज जित

एजेन्सी

दोहा — उपाधिको बलियो प्रत्यासी रहेको इंग्ल्यान्डले सोमबार विश्वकप २०२२ को समूह ‘बी’ मा सजिलो जित निकालेको छ । उसले इरानमाथि ६–२ को एकपक्षीय जित निकालेको हो र यससँगै तीन बहुमूल्य अंक बटुल्न पनि सफल रह्यो ।


यो जितसँगै इंग्ल्यान्डले समूहको शीर्ष स्थान ओगटेको छ । इंग्ल्यान्ड पहिलो हाफमै तीन गोलले अगाडि रहेको थियो । उसका लागि जुड बेलिङघमले गोलको खाता खोलेयता बुकायो साकाले दुई गोल गरे ।

यस्तै रहिम स्टर्लिङ, मार्कस रसफोर्ड र ज्याक ग्रेलिसले एक एक गोल गरे । इरानका तर्फबाट मेहदी तारेमीले दुई गोल फर्काए । उनले दोस्रो गोल इन्ज्युरी समयको अन्त्यतिर पेनाल्टीबाट गरे ।

इरानले चोटका कारण पहिलो हाफमा पहिलो रोजाइका गोलरक्षक सइद हुसेन हुसेइनीलाई गुमाएको थियो र यसले उसको खेल प्रभावित रह्यो ।

प्रकाशित : मंसिर ५, २०७९ २१:०३
पूरा पढ्नुहोस्
प्रतिक्रिया
पठाउनुहोस्
x
×