महासचिवको गृहजिल्लामै एमालेलाई प्रतिनिधिसभा न प्रदेशसभा- प्रतिनिधि / प्रदेशसभा निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

महासचिवको गृहजिल्लामै एमालेलाई प्रतिनिधिसभा न प्रदेशसभा

कान्तिपुर संवाददाता

काठमाडौँ — एमालेको भावी नेतृत्वका रूपमा अगाडि बढेका एमालेका महासचिव शंकर पोखरेलको गृहजिल्ला दाङमै एमाले प्रतिनिधिसभा र प्रदेशसभा निर्वाचनको परिणाममा शून्य भएको छ । महासचिव पोखरेल प्रतिनिधिसभा सदस्यमा पराजित भए भने एमालेका अन्य उम्मेदवारले पनि जित हासिल गर्न सकेनन् । 

प्रतिनिधिसभाको ३ निर्वाचन क्षेत्र रहेको दाङमा लुम्बिनी प्रदेशसभाका ६ निर्वाचन क्षेत्र छन् । एमालेले प्रतिनिधिसभा र प्रदेशसभा गरी ९ वटा निर्वाचन क्षेत्रमध्ये एउटामा पनि जित हासिल गर्न नसकेको हो ।दाङ प्रतिनिधिसभा निर्वाचन क्षेत्र नम्बर २ बाट प्रतिनिधिसभा सदस्य उम्मेदवार बनेका पोखरेल पाँच दलीय गठबन्धनबाट उम्मेदवार बनेकी माओवादी केन्द्रकी रेखा शर्मासँग पराजित भए । माओवादीकी शर्माले २६ हजार ८ सय ७७ मत ल्याएर जितिन् । पोखरेल शर्माले १ सय ९६ मत ल्याएर विजयी भइन् । यो निर्वाचन क्षेत्रमा पोखरेलले २६ हजार ६ सय ८१ मत ल्याएर निकटतम प्रतिस्पर्धीमा सीमित भए ।

यो निर्वाचन क्षेत्र मातहतका प्रदेशसभा सदस्यका दुई सिटमा पनि एमालेले जित हात पार्ने सकेन । दाङ २ का दुवै प्रदेशसभा सदस्यमा एमालेका उम्मेदवाहरू निकटतम् प्रतिस्पर्धीमा सीमिति रहे भने गठबन्धनबाट उम्मेदवार बनेका नेताहरू लुम्बिनी प्रदेशसभाका लागि विजयी भए ।

दाङ प्रतिनिधिसभा निर्वाचन क्षेत्र नम्बर २ (१)बाट कांग्रेसका राजु खनाल निर्वाचित भए । खनाल १५ हजार ६ सय १६ मत ल्याएर निर्वाचित हुँदा एमालेका प्रदेशसभा उम्मेदवार बलिभद्र राना दोस्रो भए । उनले १४ हजार ४ सय ४९ मत ल्याएका थिए । दाङ २ (२)को प्रदेशसभामा पनि कांग्रेसका प्रचण्डविक्रम न्यौपाने निर्वाचित भए । न्यौपानेले १७ हजार ४ सय ६९ मत ल्याए भने दोस्रो बनेका एमालेका उम्मेदवार गिरीराज केसीले १६ हजार ६ सय ९० मत ल्याए ।

दाङ निर्वाचन क्षेत्र नम्बर १ मा एमालेबाट गत २०७८ भदौमा विभाजित भएर गठित नेकपा (एकीकृत समाजवादी)का नेता मेटमणि चौधरी निर्वाचित भए । मेटमणी चौधरीले एमालेकी शान्ता चौधरीलाई पराजित गरे । शान्ता चौधरी २०७४ पछि एमालेको संसदीय दलको सचेतक थिइन् । एकीकृत समाजवादीका मेटमणिले २६ हजार ५ सय ६३ मत प्राप्त गरी विजय हासिल गर्दा एमालेकी शान्ताले भने २१ हजार ४ सय ७९ मतमात्रै पाए ।

यो क्षेत्रका दुवै प्रदेशसभा सदस्यमा एमालेका उम्मेदवार दोस्रो भए । दाङ १ (१)को लुम्बिनी प्रदेशसभा सदस्यमा माओवादी केन्द्रका इन्द्रजित थारुले १३ हजार ५ सय ५ मत ल्याएर निर्वाचित हुँदा एमालेका गंगाराम भट्टराईले ११ हजार ७ सय ३० मत प्राप्त गरे । दाङ १ (२)बाट लुम्बिनी प्रदेशसभा सदस्यमा कांग्रेसका १६ हजार २ सय २२ मत ल्याएर निर्वाचित हुँदा एमालेका कुलबहादुर खत्री क्षेत्री १३ हजार १ सय ७० मत ल्याएर निकटतम प्रतिद्वन्द्वी बने ।

दाङ प्रतिनिधिसभा निर्वाचन क्षेत्र नम्बर ३ मा एमालेकी कोमल वलीलाई कांग्रेसका दीपक गिरीले पराजित गरे । गिरी ३६ हजार ८ सय ४२ मत ल्याई विजयी हुँदा वली ७ हजार ८ सय १० को मतान्तरले पराजित भइन् । उनले २९ हजार ३२ मत मात्रै पाइन् ।

यो निर्वाचन क्षेत्र अन्तर्गतका प्रदेशसभा सदस्यमा गठबन्धनका उम्मेदवार विजयी भए भने एमालेका उम्मेदवार दोस्रो स्थानमा सीमित बने । दाङ ३ (१)बाट डिल्लीबहादुर चौधरी १९ हजार ८ सय ५० मत ल्याएर निर्वाचित भएका थिए । यहाँबाट लुम्बिनी प्रदेशसभाका लागि उम्मेदवार बनेका एमालेका घनश्याम पाण्डेले १४ हजार ४ सय ५० मत पाए । दाङ ३ (२)मा माओवादी केन्द्रका धनबहादुर मास्की निर्वाचित भए । उनले २२ हजार ३ सय २१ मत ल्याएर प्रदेशसभा सदस्य निर्वाचित हुँदा एमालेका हुकुमबहादुर बस्नेत २० हजार १ सय ५८ मत पाएर दोस्रो भए ।

पराजित भएपछि एमाले महासचिव पोख्रेलले शुक्रबार बिहान पत्रकार सम्मेलन गरेका थिए । निर्वाचनबारे आफ्नो समीक्षा सुनाउन घोराहीमा आयोजित पत्रकार सम्मेलनमा उनले आफूलाई जनताले संसदीय मोर्चामा नपठाएकाले पार्टी निर्माणमा लाग्ने बताएका थिए । उनले स्थिर राजनीतितर्क्षफ केन्द्रित हुने उनको भनाइ थियो । मुलुकको समृद्धिका लागि बलियो राष्ट्रिय शक्ति आवश्यक परेको बताउँदै उनले अब पार्टीको काममा लाग्ने योजना सुनाएका थिए ।

प्रकाशित : मंसिर ९, २०७९ १५:४९
प्रतिक्रिया
पठाउनुहोस्

ब्याजदर वृद्धि र तरलता अभावले मनोबल कमजोर भयो : गोल्छा

कान्तिपुर संवाददाता

काठमाडौँ — नेपाल उद्योग वाणिज्य महासंघका अध्यक्ष शेखर गोल्छाले पछिल्लो समय निजी क्षेत्रको मनोबल कमजोर भएको बताएका छन् । शुक्रबार उद्योग दिवसको अवसरमा आयोजित कार्यक्रममा बोल्दै अध्यक्ष गोल्छाले बजारमा तरलताको चरम अभाव, उद्योगको उत्पादन क्षमतामा कमी, बैंकको ब्याजदर वृद्धि लगायतका कारण निजी क्षेत्रको मनोबल कमजोर भएको बताए । 

सरकारले लामो समय आयात प्रतिबन्ध गर्दा राजश्व संकलनमा कमी आएकाले सरकारको चालु खर्चमै समस्या हुन सक्ने उनको भनाइ छ । अध्यक्ष गोल्छाले अहिले विदेशमा रहेका ५० लाख युवाले पठाएको रेमिट्यान्सले मुलुकको अर्थतन्त्र चलेको बताउँदै देशभित्र नै युवाहरुलाई रोजगारी दिन नसक्नु निजी क्षेत्र र सरकारको कमजोरी भएको बताए ।

सरकारले उद्योगलाई बचाउन सके मात्रै अहिले देखिएको अर्थतन्त्रको समस्या समाधान हुने उनले बताए । उद्योग क्षेत्रका समस्या समाधान गर्नका लागि राजनीतिक स्थायित्व आवश्यक रहेको उनको भनाइ छ । नेपालमा मूल्य अभिवृद्धि हुने, धेरै रोजगारी सृजना गर्ने र धेरै निर्यात गर्ने उद्योगलाई सरकारले ब्याजमा अनुदान दिनुपर्नेमा उनले जोड दिए । वाणिज्य बैंकहरुको उद्देश्य नाफा कमाउने हुने हुँदा ब्याजदरको अस्थिर अवस्थामा बैंकभन्दा उद्योग बचाउन सरकारले अनुदान दिनुपर्ने गोल्छाको भनाइ छ । उनले भने ‘वाणिज्य बैंकहरु नाफा कमाउने उद्देश्यकै हुन्, ब्याजदरको अस्थिर अवस्थामा बैंकभन्दा पनि उद्योग बचाउन सरकारले ब्याजमा अनुदान दिनुपर्छ । उद्योग बचाउन सरकारले काम नगरे अवस्था भयवह छ ।’

१८ प्रतिशतसम्मको ब्याजले निराश बनायो : अग्रवाल

त्यस्तै, उद्योग परिसंघका अध्यक्ष विष्णुकुमार अग्रवालले अर्थतन्त्रमा देखिएका समस्याले निजी क्षेत्र निराश रहेको बताए । उनले पछिल्लो समय तलरलताको चरम अभाव, बैंकको ब्याजदर १८ प्रतिशतसम्म पुग्नु, मागमा समेत ठूलो रुपमा संकुचन भएकाले निराशा छाएको बताए । लगानी गर्ने वातावरण नभएकाले ७० प्रतिशत उद्योगी लगानी रोकेर राखेको उनले बताए ।

सरकारसँगको सहकार्यमा अगाडि बढाइरहेको मेक इन नेपाल स्वदेशी अभियानमा आवद्ध सदस्यहरुलाई सहुलियत दिन उनले माग गरे । उनले परिसंघले अगाडि सारेको मेक इन नेपाल ‘स्वदेशी’ अभियानमार्फत् ४ वर्षमा वार्षिक १ हजार उद्योग दर्ता गर्ने, १ लाख ५० हजार युवालाई वार्षिक रोजगारी सिर्जना गर्ने उद्देश्य रहेको बताए ।


प्रकाशित : मंसिर ९, २०७९ १५:३७
पूरा पढ्नुहोस्
प्रतिक्रिया
पठाउनुहोस्
×