मुगुमा कांग्रेसका शाहीको अग्रता- प्रतिनिधि / प्रदेशसभा निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

मुगुमा कांग्रेसका शाहीको अग्रता

डीबी बुढा

मुगु — मुगुमा प्रतिनिधिसभा सदस्यमा एमालेका राजबहादुर कार्कीभन्दा गठबन्धन कांग्रेसका ऐनबहादुर शाही २ हजार १ सय ६५ मतले अगाडि छन् ।

प्रतिनिधिसभाको मतगणनाको क्रममा शाहीले ८ हजार ४३ मत ल्याएका छन् भने एमालेका कार्कीले ५ हजार ८ सय ७८ मत ल्याएका छन् ।

२ हजार १ सय ६५ मतले शाहीले कार्कीलाई पछि पारेका छन् । अहिलेसम्म प्रतिनिधिसभातर्फ करिब १४ हजार मतगणना भएको छ । अझै करिब १२ हजार मत गन्न बॉकी छ । मुगुको कुल मतदाता ३५ हजार ४ सय ८५ मध्ये २६ हजार ६ सय १५ मत खसेको छ ।

प्रकाशित : मंसिर ९, २०७९ ०९:२१
प्रतिक्रिया
पठाउनुहोस्

सिरहा-४ मा जसपाका महतो निर्वाचित

भरत जर्घा मगर

सिरहा — सिरहा क्षेत्र नम्बर ४ को प्रतिनिधिसभा सदस्यमा जनता समाजवादी पार्टीका वीरेन्द्रप्रसाद महतो निर्वाचित भएका छन् । जनमत पार्टीका वीरेन्द्रप्रसाद साहलाई पराजित गर्दै महतो निर्वाचित भएका हुन् ।

महतोले निकटतम् प्रतिस्पर्धी साहलाई ७ हजार ८ सय ८ मतान्तरले पराजित गरेका हुन् ।

महतोले २४ हजार १ सय २ मत पाएर विजयी हुँदा साहले १६ हजार २ सय ९४ मत पाए । तेस्रो स्थानमा एकीकृत समाजवादीका धर्मनाथ प्रसाद साहले १४ हजार ६ सय ५३ मत प्राप्त गरे ।

प्रकाशित : मंसिर ९, २०७९ ०९:११
पूरा पढ्नुहोस्
प्रतिक्रिया
पठाउनुहोस्
x
×