पूर्वमुख्यमन्त्री राईलाई हराउँदै भोजपुरमा माओवादीका किराती निर्वाचित- प्रतिनिधि / प्रदेशसभा निर्वाचन २०७९ - कान्तिपुर समाचार

पूर्वमुख्यमन्त्री राईलाई हराउँदै भोजपुरमा माओवादीका किराती निर्वाचित

डम्बरसिं राई

खोटाङ — नेकपा एमालेका नेता एवं पूर्वमुख्यमन्त्री शेरधन राईलाई पराजित गर्दै भोजपुरमा नेकपा माओवादी केन्द्रका सुदन किराती निर्वाचित भएका छन् । राई एमालेको स्थायी कमिटीका सदस्य हुन्।

बिहीबार मध्यराति सार्वजनिक मत परिणाम अनुसार किराती २ हजार ३८५ मतान्तरसहित विजयी बनेका हुन् ।

निर्वाचन आयोगका अनुसार किरातीले २८ हजार ५७८ मत प्राप्त गरेका छन् । उनका निकटतम प्रतिद्वन्द्वी एमालेका उम्मेदवार राईले २६ हजार १९३ मत ल्याएका छन् । किराती २०७४ सालको निर्वाचनमा पनि सोही क्षेत्रबाट निर्वाचित भएका थिए । त्यस समयमा उनी नेकपा एमालेसँगको गठबन्धनको साझा उम्मेदवारको रुपमा प्रतिस्पर्धा गरेका थिए।

प्रकाशित : मंसिर ९, २०७९ ००:२७
प्रतिक्रिया
पठाउनुहोस्

दाङ-१ मा एकीकृत समाजवादीका मेटमणि चौधरी निर्वाचित

दुर्गालाल केसी

काठमाडौँ — दाङ-१ बाट नेकपा एकीकृत समाजवादीका मेटमणि चौधरी निर्वाचित भएका छन् । बिहीबार राति सम्पन्न मतगणनामा सहरी विकासमन्त्री रहेका चौधरी २६ हजार ५ सय ६३ मत प्राप्त गर्दै निर्वाचित भएका हुन् ।

उनको निकटतम प्रतिद्वन्द्वी नेकपा एमालेकी शान्ता चौधरी रहिन् । उनले २१ हजार ४ सय ७९ मत प्राप्त गरेकी छिन् । दुवै बीचको मतान्तर ५ हजार ८४ मतको रह्यो ।

मेटमणि २०७४ मा भएको आमनिर्वाचन पनि एमाले उम्मेदवारका रुपमा सोही क्षेत्रबाट विजयी भएका थिए । त्यसैगरी तेस्रो स्थानमा राष्ट्रिय स्वतन्त्र पार्टीका देवराज पाठक रहे । पाठकले १३ हजार ७ सय ९४ मत प्राप्त गरे ।

मेटमणिको जितसँगै दाङमा सत्तारुढ गठबन्धनले 'क्लिनस्वीप' गरेको छ ।

दाङ-२ बाट नेकपा माओवादी केन्द्रकी रेखा शर्मा र दाङ-३ बाट नेपाली कांग्रेसका दीपक गिरी विजयी भएका छन् । प्रदेशसभा तर्फको ६ स्थानमै गठबन्धनका उम्मेदवार विजयी भएका छन् ।

प्रकाशित : मंसिर ९, २०७९ ००:११
पूरा पढ्नुहोस्
प्रतिक्रिया
पठाउनुहोस्
×