बाँके प्रदेशसभा १ (१) मा माओवादीकी कृष्णा केसी विजयी

मुख्य निर्वाचन अधिकृतको कार्यालयले दिएको जानकारी अनुसार नमुनाले ९ हजार १०३ मत प्राप्त गरी निर्वाचित भइन् भने उनको निकटतम चौधरीले ७ हजार ९६६ मत प्राप्त गरे ।

मतगणनाको सुरुवाती चरणमा राप्रपाका उम्मेदवार नरेन्द्र पौडेलसँग प्रतिस्पर्धा भएपनि अन्तिम समयमा चौधरीले मतान्तर घटाउँदै दोस्रो स्थानमा ओगटन सफल भए । यस्तै, राप्रपाका नरेन्द्रकुमार पौडेलले ७ हजार २५८, जनता समाजवादी पार्टी (जसपा)का अम्बरबहादुर खड्काले ३ हजार ७०६ र स्वतन्त्र उम्मेदवार तीर्थराज डिसीले २ हजार ४८९ मत प्राप्त गरे ।

यसैगरी अर्का स्वतन्त्र उम्मेदवार प्रदीप पौडेलले ५ सय ७०, लोकतान्त्रिक समाजवादी पार्टी नेपालका राजेन्द्रकुमार विश्वकर्माले ५ सय ३४ र नेपाल मजदुर किसान पार्टीका उम्मेदवार जयप्रकाश चौधरीले ७३ मत प्राप्त गरेका छन् ।

नमुना लुम्बिनी प्रदेशमै विजयी हुने पहिलो लुम्बिनी प्रदेशसभा सदस्य समेत हुन् । यसअघि समेत २०७४ सालमा उनी प्रदेशसभा सदस्यमा निर्वाचित भएकी थिइन् ।