रूपन्देही- २ (२) मा एमालेका श्रेष्ठ विजयी- प्रतिनिधि / प्रदेशसभा निर्वाचन २०७९ - कान्तिपुर समाचार

रूपन्देही- २ (२) मा एमालेका श्रेष्ठ विजयी

अमृता अनमोल

बुटवल — रूपन्देही निर्वाचन क्षेत्र नम्बर २ (२) बाट नेकपा एमालेका भोजप्रसाद श्रेष्ठ प्रदेशसभा सदस्यमा विजयी भएका छन् । श्रेष्ठले १६ हजार ३ सय  मत प्राप्त गरेका छन् ।

उनका निकटतम प्रतिस्पर्धी माओवादी केन्द्रका वामदेव घिमिरे क्षेत्रीले ९ हजार ४ सय १० मत प्राप्त गरेका छन् । निर्वाचन कार्यालयका अनुसार यो क्षेत्रमा ४० हजार १ सय ५८ मत खसेको थियो।

विजयी श्रेष्ठ यसअघि यही क्षेत्रबाट निर्वाचित भई लुम्बिनी प्रदेश सरकारका स्वास्थ्यमन्त्री समेत बनेका थिए ।

प्रकाशित : मंसिर ८, २०७९ २१:५४
प्रतिक्रिया
पठाउनुहोस्

बर्दियामा सञ्जय गौतमको लगातार तेस्रो जित

कमल पन्थी

बर्दिया — बर्दिया निर्वाचन क्षेत्र नं २ मा सत्ता गठबन्धनको तर्फबाट कांग्रेसका उम्मेदवार सञ्जय कुमार गौतम निर्वाचित भएका छन् ।संसदीय प्रतिस्पर्धामा गौतमको यो तेस्रो जित हो ।

उनी ३० हजार ६ सय ११ मत ल्याउँदै निर्वाचित भएका हुन् । एमालेका लक्ष्मण राज ज्ञवालीलाई उनले ४ हजार ५ सय ६ मतान्तरले पराजित गरे । ज्ञवालीले भने २६ हजार ६ सय ९१ मत पाएका छन् ।

दास्रो संविधानसभा निर्वाचनमा पहिलो पटक गौतमले एमालेका पूर्ण शर्मालाई पराजय गरी सांसद बनेका थिए । ०७४ को प्रतिनिधिसभा निर्वाचनमा उनी बर्दिया २ बाट तत्कालीन एमाले उपाध्यक्ष वामदेव गौतमलाई पराजित गरेर निर्वाचित भएका थिए ।

यसपटक पनि उनी क्षेत्र नम्बर २ मा गठबन्धनबाट उम्मेदवार भई निर्वाचित भएका हुन् । ०७४ सालको निर्वाचनमा गौतमले वामदेव गौतमलाई ७ सय ५३ मतले पराजय गरी राष्ट्रिय चर्चा पाएका थिए ।

प्रकाशित : मंसिर ८, २०७९ २१:५०
पूरा पढ्नुहोस्
प्रतिक्रिया
पठाउनुहोस्
×