रुपन्देही १(२) : कांग्रेसका रज्जाक विजयी
बुटवल — रुपन्देहीको प्रदेश सभा क्षेत्र नम्बर १(२) मा नेपाली कांग्रेसका अब्दुल रज्जाक विजयी भएका छन् । उनले एमालेका उम्मेदवार दधिराम न्यौपानेलाई ८ सय २९ मतले पछि पारेका छन् ।
मुख्य निर्वाचन अधिकृत श्याम श्रेष्ठका अनुसार रज्जाकले १२ हजार १ सय २४ मत ल्याएका छन् । एमालेका दधिराम न्यौपानेले ११ हजार २ सय ९५ मत ल्याएका छन् ।
रज्जाक यसअघि प्रतिनिधि सभा सदस्य एवं राज्यमन्त्री बनेका थिए ।