धनकुटाबाट एमालेका राजेन्द्र राई निर्वाचित

राईले ३० हजार १०१ मत ल्याएका छन् भने कांग्रेसका थापाले २८ हजार ७०४ मत ल्याएका छन् ।

यहाँ नेकपा माओवादी केन्द्रका पोलिटब्युरो सदस्यबाट राजीनामा दिएर उम्मेदवारी दिएका हेमराज भण्डारीले ५ हजार ९२६ मत पाएका छन् भने राष्ट्रिय प्रजातन्त्र पार्टीका कुमारबहादुर थापाले १ हजार ५९ मत पाएका छन् । ०७४ मा पनि यहाँबाट एमालेका राईले थापालाई नै पराजित गरेका थिए ।

थापा पूर्वप्रधानमन्त्री सूर्यबहादुर थापाका छोरा हुन् । अघिल्लो पटक कांग्रेसको सहयोगमा यहाँबाट प्रतिनिधिसभा सदस्यमा चुनाव लडेका थापा चुनाव हारेपछि कांग्रेसमै प्रवेश गरेर सहमहामन्त्री बने । हाल उनी कांग्रेसको केन्द्रीय सदस्य छन् ।