रुपन्देही-५ मा कांग्रेस नेता शाहलाई हराउँदै एमालेका घिमिरे विजयी
लुम्बिनी — रुपन्देहीको प्रतिनिधिसभा निर्वाचन क्षेत्र नम्बर–५ मा नेकपा एमालेका वासुदेव घिमिरे फराकिलो मतान्तरसहित विजयी भएका छन् । घिमिरेले कांग्रेस नेता भरतकुमार शाहलाई ९ हजार ७०२ मतान्तरले पराजित गरेका हुन् ।
घिमिरेले ३६ हजार ८२२ मत ल्याउँदा शाहले २७ हजार १२० मत प्राप्त गरेको मुख्य निर्वाचन अधिकृत चुरामणि शर्माले जानकारी दिए ।
शाह यसअघिका तीनवटा निर्वाचनमा सोही क्षेत्रबाट निर्वाचित भएका थिए । उनी प्रतिनिधिसभाको लेखा समितिका सभापतिसमेत थिए ।
रुपन्देही–५ मा १ लाख २९ हजार १ सय ३५ मतदाता रहेकोमा ८५ हजार ७ सय ३६ मत खसेको थियो ।
प्रकाशित : मंसिर ८, २०७९ ०८:५६प्रतिक्रिया