बझाङ प्रदेशसभा १ मा कांग्रेसका सिंह निर्वाचित
बझाङ — बझाङ जिल्लाबाट प्रदेशसभा निर्वाचन क्षेत्र नम्बर १ मा पाँच दलीय गठबन्धनका उम्मेदवार नेपाली कांग्रेसका पृथ्वीबहादुर सिंह निर्वाचित भएका छन् । उनले नेकपा (एमाले)का अफिलाल ओखेडालाई ३ हजार ७ सय ७६ मतको अन्तरले पराजित गरेका हुन् ।
मत गणनाको सुरुदेखी नै अग्रता लिएका सिंहले १७ हजार १ सय १२ मत प्राप्त गर्दा ओखेडाले १३ हजार ३ सय ३६ मत ल्याएका थिए । निर्वाचित सिंह नेपाली कांग्रेसका पूर्व जिल्ला सभापति हुन ।
सुदूरपश्चिम प्रदेशसभा सदस्यमा निर्वाचित सिंहले जिल्लावासीको सरसल्लाहमा विकास र समृद्धीको काममा लागिपर्ने प्रतिक्रिया दिएका छन् ।
प्रतिक्रिया