पाँचथर प्रदेशसभा २ बाट माओवादीका आङ्वो निर्वाचित
पाँचथर — पाँचथरको प्रदेशसभा निर्वाचन क्षेत्र नम्बर २ बाट सत्ता गठबन्धनका साझा उम्मेद्वार इन्द्रबहादुर आङ्बो विजयी भएका छन् । प्रतिस्पर्धी एमालेका अइन्द्रसुन्दर नेम्वाङलाई ३ हजार ६७ मत अन्तरले पराजित गर्दै आङ्बो दोस्रो पटक प्रदेशसभामा निर्वाचित भएका हुन् ।
प्रदेशसभामा ३४ हजार ७ सय १५ मत खसेको यस निर्वाचन क्षेत्रबाट आङ्बोले १५ हजार ६ सय ७२ मत पाएका थिए । उनका प्रतिस्पर्धी एमालेका नेम्वाङले १२ हजार ६ सय ५ मत पाएका छन् ।
पाँचथरको फिदिम नगरपालिका ११ घर भएका ४० वर्षीय आङ्बो २०७४ सालको आम निर्वाचनमा तत्कालीन वाम गठबन्धनका तर्फबाट यहिँ क्षेत्रबाट प्रदेशसभा सदस्यमा निर्वाचित भएका थिए । माओवादी केन्द्रका पोलिटब्यूरो सदस्य रहेका आङ्बो प्रदेश १ का आर्थिक मामिला तथा योजनामन्त्री पनि हुन् ।
आङ्बो यसपटक माओवादी केन्द्र, नेपाली कांग्रेस र नेपाल कम्युनिष्ट पार्टी एकिकृत समाजवादी केन्द्रका तर्फबाट साझा उम्मेद्वार थिए ।
प्रकाशित : मंसिर ८, २०७९ ०७:२५