जुम्लामा ज्ञानेन्द्र शाहीकाे जित निश्चित- प्रतिनिधि / प्रदेशसभा निर्वाचन २०७९ - कान्तिपुर समाचार

जुम्लामा ज्ञानेन्द्र शाहीकाे जित निश्चित

डीबी बुढा

जुम्ला — जुम्लाको प्रतिनिधिसभाकाे निर्वाचनमा राप्रपाका प्रवक्ता ज्ञानेन्द्र शाहीकाे जित सुनिश्चित देखिएको छ । उनले गठबन्धन दलकी साझा उम्मेदवार नेकपा माओवादी केन्द्रका गाेमा गाैतम कुँवर र नेकपा एमालेका रतननाथ याेगीलाई फराकिलो मतअन्तरमा अग्र स्थानमा छन् ।

३६ हजार ३१ मतगणना गर्दा उनले १८ हजार २५ मत प्राप्त गरेका छन् । ८ हजार ३५६ मतले शाही गठबन्धनका उम्मेदवार गाैतमलाई पछि पारेका छन् ।

गौतमले ९ हजार ६६९ मत प्राप्त गरेकी छिन् भने नेकपा एमालेका रतननाथ योगीले ५ हजार १४७ मत प्राप्त गरेका छन्।

नेमकिपाका डिल्लीप्रसाद काफ्लेले ८०३ मत प्राप्त गरेका छन् । माओवादीका डा. कलबहादुर रोकाया प्रतिनिधि सभाको स्वतन्त्र उम्मेद्वार बनेका थिए।

उनले आफ्नो उम्मेदवारी निष्क्रिय बनाए पनि ४११ मत प्राप्त गरेका छन् । एक हजार ९७८ मत बदर भएको मुख्य निर्वाचन कार्यालय जुम्लाले जनाएको छ ।

जिल्लामा ४५ हजार ६ सय १४ मत खसेको थियो । अब ९ हजार ३४ मत मात्रै गणना गर्न बाँकी रहेको छ ।

प्रकाशित : मंसिर ७, २०७९ २१:१९
प्रतिक्रिया
पठाउनुहोस्

जुम्ला १(१) : कांग्रेसका कर्णाली सभापतिलाई हराउँदै स्वतन्‍त्रबाट देवेन्द्रबहादुर शाही निर्वाचित

डीबी बुढा

जुम्ला — कर्णाली प्रदेश सभापति ललितजंग शाही पराजित भएका छन् । उनी विरुद्ध उम्मेदवारी दिएका स्वतन्त्र उम्मेदवार देवेन्द्र बहादुर शाहीले १ हजार ८९९ मतान्तरसहित उनलाई पराजित गरेका हुन् ।

जुम्ला प्रदेश (क) मा २४ हजार ७८८ मत खसेको थियो । जसमा स्वतन्त्र उम्मेदवार शाहीले ९ हजार ६५४ मत पाएका छन् भने पराजित शाहीको पक्षमा ७ हजार ७५५ मत आएको छ ।

प्रदेश सभापति शाहीलाई माओवादी र एकीकृत समाजवादीको साथ भएपनि पराजित भएका हुन् । आन्तरिक रुपमा गठबन्धनभित्र विचलन आएकाले स्वतन्त्र उम्मेदवार शाही हावी भएका हुन् ।

उनी ०७४ मा कांग्रेसबाट प्रतिनिधि सभा चुनाव लडेका थिए । माओवादीका गजेन्द्र महतसँग पराजित भएका उनी कांग्रेसभित्र संस्थापन इत्तर पक्षधर नेता मानिन्छन् ।

प्रकाशित : मंसिर ७, २०७९ १७:०९
पूरा पढ्नुहोस्
प्रतिक्रिया
पठाउनुहोस्
×