अछाम २ बाट प्रतिनिधिसभामा कांग्रेसका शाह विजयी
अछाम — प्रतिनिधिसभा अछाम क्षेत्र नम्बर २ मा सत्ता गठबन्धनकातर्फबाट नेपाली कांग्रेस अछामका सभापति पुष्पबहादुर शाह विजयी भएका हुन् ।
शाहले २२ हजार ९ सय ५४ मत प्राप्त गरे । उनका निकटतम् प्रतिद्वन्द्वी नेकपा एमालेका यज्ञबहादुर बोगटीले १६ हजार एकसय १४ मत प्राप्त गरे । उनीहरुबीचको मतान्तर ६ हजार ८ सय ४० रहेको छ ।
यसअघि २०७४ सालमा भएको प्रतिनिधिसभाको निर्वाचनमा वाम गठबन्धनबाट चुनाव लडेका बोगटीसँग कांग्रेसका शाह २ हजार ८ सय ५९ मतले पराजित भएका थिए ।
त्यस निर्वाचनमा बोगटीले २१ हजार ९६५ मत पाएर विजयी भएका थिए भने शाहले १९ हजार १०६ मत प्राप्त गरेका थिए ।
प्रकाशित : मंसिर ७, २०७९ १९:१४प्रतिक्रिया