वीरगन्ज — पर्साको निर्वाचन क्षेत्र नम्बर दुईमा कांग्रेसका अजयकुमार चौरसिया निर्वाचित भएका छन् ।
चौरसियाले जनता समाजवादी पार्टीका सुरेन्द्र कुर्मीलाई ६ हजार ६ मतको फराकिलो अन्तरले पराजित गरेका हुन् ।
चौरसियाले २८ हजार ४ सय ५१ मत ल्याएका छन् भने कुर्मीले २२ हजार ४ सय ४५ मत ल्याए ।
वीरगन्ज — पर्साको निर्वाचन क्षेत्र नम्बर ४ मा कांग्रेसका रमेश रिजाल विजयी भएका छन् । रिजालले एमालेका जालिम मियाँलाई ५ हजार ५ सय २३ मतले पराजित गरेका हुन् ।
रिजालले ३१ हजार १ सय ४२ मत ल्याएका छन् भने मियाँले २५ हजार ६ सय १९ मत ल्याएका छन् ।
जगरनाथपुर गाउँपालिकाका पूर्वअध्यक्षसमेत रहेका मियाँ गत मंसिरमा नेकपा माओवादी केन्द्रबाट एमाले प्रवेश गरेका हुन् । उनलाई एमाले अध्यक्ष केपी शर्मा ओलीले मियाँलाई पर्सामा आयोजित एक कार्यक्रममा पार्टी प्रवेश गरेका थिए ।
प्रकाशित : मंसिर ७, २०७९ ०७:१९
