चुनाव सकिएको ३ दिनपछि हुम्लामा हेलिकप्टरबाट सदरमुकाम पुग्यो मतपेटिका [तस्बिरहरू]- प्रतिनिधि / प्रदेशसभा निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

चुनाव सकिएको ३ दिनपछि हुम्लामा हेलिकप्टरबाट सदरमुकाम पुग्यो मतपेटिका [तस्बिरहरू]

जनकबहादुर शाही

हुम्ला — निर्वाचन सम्पन्न भएको तीन दिनपछि हेलिकप्टरमा हुम्लाको दक्षिणी क्षेत्रका सबै मतपेटिका सदरमुुकाम सिमकोट ल्याइएको छ ।  बुधबार नेपाली सेनाको हेलिकप्टरबाट सर्केगार्डदेखि सिमकोटमा पेटिका ल्याइएको हो। बुधबार दिउँसो १ बजे नेपाली सेनाको हेलिकोप्टरबाट मतपेटिका ढुवानी गर्ने कार्य पूरा भएको मुख्य निर्वाचन अधिकृत दिलप्रसाद सापकोटाले बताए । 


दक्षिणी क्षेत्रका चार वटा गाउँपालिकाकाको आउन बाँकी ३४ वटा मतदान केन्द्रका १७० वटा मतपेटिका हेलिकोप्टरबाट ढुवानी गरिएको हो । लामो प्रयासपछि आयोगले हेलिकप्टरमा ती मतपेटिका ढुवानी गर्न सहमति दिए पनि मंगलबार डोल्पाका मतपेटिका ढुवानी गर्नुपर्ने भएकाले हुम्लाका मतपेटिका ढुवानी गर्न नभ्याएको मुख्यनिर्वाचन अधिकृत सापकोटाले बताए । जिल्लाका ५९ वटै मतदान केन्द्रका मतपेटिका सदरमुकाम सिमकोट पुगेपछि बुधबार नै सर्वदलीय बैठक बसी साँझ ७ बजेबाट मतगणना गर्ने निर्णय भएको उनले बताए ।

प्रकाशित : मंसिर ७, २०७९ १७:१७
प्रतिक्रिया
पठाउनुहोस्

चितवनमा बलात्कारपछि महिलाकाे हत्या आराेपमा दुईजना पक्राउ

रमेशकुमार पौडेल

चितवन — बलात्कार गरी महिलाकाे हत्या गरेकाे आराेपमा चितवन प्रहरीले दुई जनालाई पक्राउ गरेकाे छ । गाेरखा सिरानचाेक ठेगाना भएका हाल भरतपुर महानगरपालिका-२ तिनखाेले बस्ने २३ वर्षीय सन्दिप गुरूङ र सोही स्थानका विजय परियार पक्राउ परेकाे चितवन जिल्ला प्रहरी कार्यालयका प्रवक्ता डीएसपी विजयराज पण्डितले जानकारी दिए ।

उनका अनुसार निर्वाचनकाे दिन आइतबार बिहान ६ बजेतिर भरतपुर-२ दुर्गामन्दिर चाेककाे प्रतिक्षालय पछाडि हाट बजार लाग्ने कम्पाउण्डसहितकाे चाैरमा ५५/६० वर्षकाे महिलाकाे शव फेला परेकाे थियाे । अवस्था हेर्दा हत्या गरेकाे आशंका बढेपछि प्रहरीले स्थानीयसँग साेधपुछ र ती ठाउँमा जडान भएका सीसी क्यामेराका फुटेज हेरेर घटनामा संलग्न भएका हुन सक्ने व्यक्तिकाे पहिचान गरेकाे थियाे ।

प्रहरीले पहिला सन्दिपलाई नियन्त्रणमा लिएको थियो । उनैसँग साेधपुछ गरेपछि विजयलाई भरतपुरकाे क्षेत्रपुरबाट नियन्त्रणमा लिएकाे डीएसपी पण्डितले बताए । साेधपुछकाे क्रममा दुईजनाले महिलालाई जबर्जस्ती करणी गरेकाे र पछि ढुंगाले हानेर हत्या गरेकाे डीएसपी पण्डितकाे भनाइ छ । महिलालाई प्रहार गरेकाे ढुंगाे र अन्य प्रमाणहरू पनि प्रहरीले संकलन गरेकाे छ ।

प्रकाशित : मंसिर ७, २०७९ १७:१३
पूरा पढ्नुहोस्
प्रतिक्रिया
पठाउनुहोस्
x
×