जुम्ला १(१) : कांग्रेसका कर्णाली सभापतिलाई हराउँदै स्वतन्त्रबाट देवेन्द्रबहादुर शाही निर्वाचित
जुम्ला — कर्णाली प्रदेश सभापति ललितजंग शाही पराजित भएका छन् । उनी विरुद्ध उम्मेदवारी दिएका स्वतन्त्र उम्मेदवार देवेन्द्र बहादुर शाहीले १ हजार ८९९ मतान्तरसहित उनलाई पराजित गरेका हुन् ।
जुम्ला प्रदेश (क) मा २४ हजार ७८८ मत खसेको थियो । जसमा स्वतन्त्र उम्मेदवार शाहीले ९ हजार ६५४ मत पाएका छन् भने पराजित शाहीको पक्षमा ७ हजार ७५५ मत आएको छ ।
प्रदेश सभापति शाहीलाई माओवादी र एकीकृत समाजवादीको साथ भएपनि पराजित भएका हुन् । आन्तरिक रुपमा गठबन्धनभित्र विचलन आएकाले स्वतन्त्र उम्मेदवार शाही हावी भएका हुन् ।
उनी ०७४ मा कांग्रेसबाट प्रतिनिधि सभा चुनाव लडेका थिए । माओवादीका गजेन्द्र महतसँग पराजित भएका उनी कांग्रेसभित्र संस्थापन इत्तर पक्षधर नेता मानिन्छन् ।
प्रकाशित : मंसिर ७, २०७९ १७:०९