जुम्ला-१(२) मा प्रदेशमन्त्रीलाई हराउँदै एमालेका पछाई विजयी
जुम्ला — जुम्ला १(२)मा नेकपा एमालेका युवा नेता टेकराज पछाई कर्णाली प्रदेशका भौतिक पूर्वाधार तथा सहरी विकासमन्त्री पदमबहादुर रोकायालाई हराउँदै विजयी भएका छन् । पराजित भएका रोकाया सत्तारुढ गठबन्धनका साझा उम्मेदवार हुन् ।
उनलाई पछाईले १ हजार १ सय १२ मतान्तरले हराएको मुख्य निर्वाचन अधिकृतको कार्यालय जुम्लाले जनाएको छ । पछाईले ७ हजार ८ सय १२ मत प्राप्त गरेकोमा रोकायाले ६ हजार ७ सय १५ मत प्राप्त गरेका छन् ।
पछाई नेकपा एमाले कर्णाली प्रदेशका नेकपा एमाले कर्णाली प्रदेशका उपसचिव हुन् । प्रदेशसभाको लागि जुम्ला १(२) मा २० हजार ६ सय १६ मत खसेको थियो ।
मुख्य निर्वाचन अधिकृतको कार्यालय जुम्लाका सूचना अधिकारी धर्म स्वॉरले स्वतन्त्र उम्मेदवार धनबहादुर बस्नेतले ४ हजार १ सय ६५ र नेमकिपाका बिर्ख रावतले १ हजार २ सय २ मत प्राप्त गरेको जानकारी दिए ।
प्रकाशित : मंसिर ७, २०७९ १२:००